Barru (parroquia)
Barru[3] ye una parroquia del conceyu asturianu de Llanes. Asitiada na fachada costera del conceyu, na so fastera occidental, tien una estensión de 9,42 km² y llenda: al este cola parroquia de Celoriu, al oeste cola de Posada y al sur cola de Caldueñu. Nel so territoriu inclúinse les playes de Barru, Toranza y Torimbia y el cabu Prietu, amás de la ensenada d'El Vau, y los llugares de Valmori, Barru y Niembru. Nellos viven (INE, 2013) 452 persones.
 Barru | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Llanes |
| Partíu xudicial | Llanes |
| Tipu d'entidá | parroquia d'Asturies |
| Nome oficial | Barru (ast)[1] |
| Xeografía | |
| Coordenaes | 43°26′05″N 4°49′50″W / 43.43477°N 4.83064°O |
  Barru Barru (Asturies)  | |
| Altitú | 13 m[2] |
| Llenda con | Celoriu y Posada |
| Demografía | |
| Población | 457 hab. (2020) |
| Porcentaxe | 3.38% de Llanes |
| Más información | |
| Estaya horaria | UTC+01:00 |
 | |
Patrimoniu
editarLa ilesia parroquial, dedicada a Nuestra Señora de los Dolores, ye un edificiu de traza neoclásica que foi construyíu, acabando'l sieglu XVIII, por Silvestre Pérez Martínez, que foi arquiteutu de Xosé Bonaparte. Les perres pa la so construcción púnxoles l'indianu de Niembru Anselmo Martínez Carrera, que foi coronel de milicies en Méxicu. Esta escomenzó'l 3 de xunu de 1794 y acabó, sacante la torre, trés años dempués. P'acabar la obra y dotar el so interior fixo falta qu'otru indianu, Pedro de Cue García, emigrante en Lima, punxera más perres. La ilesia, a la fin, consagróse'l 14 de xineru de 1804.
Al esterior ye un edificiu sobriu, ensin grandes adornos, nel que destaca l'equilibriu y la proporción de los sos volúmenes. Al interior tien namái una nave principal abovedada, con dos a los llaos más pequeñes con altares dedicaos a les persones que pagaron la so construcción, y otra tresversal que la cruza, habiendo un cimborriu cuadrangular nel cruceru. La cabecera ye cuadrangular, y dende ella se llevanta la torre-campanariu; a los llaos hai dos sacristíes. A los sos pies ta'l cementeriu, con dellos mausoleos de families indianes y arrodiáu per una muria. Na mar llena paez un barcu metanes la ría, lo que-y da al conxuntu una guapura singular. Gracies a ella, el llugar foi elixíu como escenariu pa delles películes (Epílogo, de Gonzalo Suárez, o El abuelo, de José Luis Garci, amás de la serie de TVE La señora) y campañes publicitaries (Nescafé).
Demografía
editar| Gráfica d'evolución demográfica de Barru ente 2000 y 2022 |
 |
|
Población según padrón municipal d'habitantes. Fonte INE (2000-2022). |
Llocalidaes
editar| Nᵘ | Nome
|
Población | % población Barru (parroquia)
|
|---|---|---|---|
| 1 | Barru
|
n/d
| |
| 2 | Niembru
|
n/d | |
| 3 | Valmori
|
n/d |
Sitios
editar- El Foru
- El Molín de la Puente
- L'Acebu
- L'Arrobu
- La Fábrica
- La Parrera
- Las Cabañas
Referencies
editar- ↑ Data de consulta: 9 abril 2019.
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales de Llanes». BOPA.
Enllaces esternos
editar
Wikimedia Commons acueye conteníu multimedia sobre Barru.
.svg){kind=small}
|
Parroquies de Llanes | 
|
|---|---|---|
| Andrín | Ardisana | Barru | La Borbolla | Caldueñu | Los Caleyos | Carranzo | Los Carriles | Celoriu | Cue | Ḥontoria | Llanes | La Maletería | Meré | Naves | Nueva | Parres | Pendueles | Po | Porrúa | Posada | Pría | Purón | Rales | San Roque l'Acebal | Tresgrandas | Vibañu | Vidiago | ||
Datos: Q679700- Multimedia: Barro (Llanes)
