Abrir el menú principal

La Base d'investigación Concordia (en francés: base antarctique Concordia; ya italianu: Base antartica Concordia), que foi abierta en 2005, ye una instalación d'investigación operada conxuntamente por científicos de Francia ya Italia, que foi construyida nuna pandiella (domo) llamáu domo C nel pandu antárticu de l'Antártida, a 3233 m sobre'l nivel del mar. Tien una pista d'aterrizaxe de 1500 m p'aviones con esquíes, operativa tol añu.

Base Concordia
ConcordiaFromTower.jpg
Llocalización
Rexón xeográficaRexón del Tratáu Antárticu
Llugar físicu Domo C Traducir
Coordenaes 75°06′00″S 123°19′57″E / 75.099975°S 123.332605°E / -75.099975; 123.332605Coordenaes: 75°06′00″S 123°19′57″E / 75.099975°S 123.332605°E / -75.099975; 123.332605
Base Concordia is located in Antártida
Base Concordia
Base Concordia
Base Concordia (Antártida)
Altitú 3220 m y 3230 m
Historia y usu
Apertura2005
Xestión Francia
Italia
Usu year-round Antarctic facility Traducir
Web oficial
Cambiar los datos en Wikidata
Base Concordia (branu de 2005).
Cielu antárticu, Base Concordia

Alcuéntrase a 1100 km al interior del continente dende la base francesa Dumont d'Urville, a 1100 km escontra l'interior dende la base australiana Casey y a 1200 km escontra l'interior dende la base italiana Zucchelli na badea Terra Nova. La base rusa Vostok atopase a 560 km, y el Polu Sur xeográficu a 1670 km. Esta instalación allúgase dientro del territoriu reclamáu per Australia (Territoriu Antárticu Australianu).

La Base Concordia ye la cuarta base permanente (operativa tol añu) nel pandu antárticu al pie de la Belgrano II (d'Arxentina), Vostok (de Rusia) y la Base Amundsen-Scott Polu Sur (d'Estaos Xuníos) nel Polu Sur xeográficu.

HistoriaEditar

En 1992 Francia decidió construyir una nueva base nel pandu antárticu y más tarde Italia xuniose al programa. En 1996 un equipu francu-italianu estableció un abelugu de branu nel llugar denomináu domo C. Los dos principales oxetivos del abelugu yeren aprovir sofitu loxísticu pal European Project for Ice Coring in Antarctica (EPICA) y la construcción d'una base d'investigación permanente. La nueva Base Concordia, operativa a lo llargo del añu, entró n'operaciones en 2005. El primer añu tuvo un equipu de 13 persones, empezando en febreru de 2005.

AccesuEditar

La mayor parte de la carga unviase al domo C per superficie dende la base Dumont d'Urville, cubriendo 1200 km ente 7 y 12 díes dependiendo de les condiciones climátiques. El personal de la estación y la carga llixera llega per aire, usando aviones Twin Otter dende Dumont d'Urville o dende la Base Mario Zucchelli a 1200 km.

AmbienteEditar

Domo C ye unu de los llugares más fríos de la Tierra. Les temperatures difícilmente xuben de −25 °C pel branu y pueden cayer so los −80 °C pel iviernu. La temperatura promediu del aire ye −54.5 °C. El mugor ye bien baxa, con bien escases precipitaciones a lo llargo del añu.

Domo C nun esperimenta los vientos catabáticos típicos de les rexones costeres de l'Antártida por causa del so allugamientu eleváu y la so distancia de los cantos del pandu antárticu. La velocidá típica del vientu ye 2,8 m/s.

Domo C ta asitiáu nel visu del pandu antárticu, el mayor ermu del mundu. Nengún animal o planta vive a una distancia mayor a unes poques decenes de kilómetros del océanu Antárticu. Sicasí, la skúa foi alcontrada sobrevolando la base, a 1200 km de les sos fontes d'alimentu más cercanu. Créese qu'estes aves aprendieron a travesar el continente en cuenta de circunnavegarlo.

AstronomíaEditar

 
Base Concordia (2005).

La Base Concordia foi identificada como un llugar apropiáu pa observaciones astronómiques desaxeradamente precises. La tresparencia de l'atmósfera antártica dexa la observación d'estrelles inclusive cuando'l sol atopase a un ángulu d'elevación de 38°. Otres ventayes inclúin la bien baxa emisión infrarroxa del cielu, l'altu porcentaxe de tiempu estenu y el baxu conteníu de partícules y polvu na atmósfera.

Ver tamiénEditar

  • Bases antártiques de Francia