Batán de la Pisa de la Sertal
El Batán de la Pisa de la Sertal asitiáu n'Arenas, conceyu asturianu de Cabrales, alcuéntrase nel quilómetru 1 na carretera d'Arenas de Cabrales en direición a Arangas. Accédese al batán per una sienda que cuerre paralela al Ríu Ribeles.
| Batán de la Pisa de la Sertal | |
|---|---|
| Bien d'Interés Cultural | |
| monumentu | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Cabrales |
| Coordenaes | 43°18′28″N 4°49′00″W / 43.3079°N 4.8168°O |
  Batán de la Pisa de la Sertal Batán de la Pisa de la Sertal (Asturies) | |
| Patrimoniu | |
| BIC | RI-51-0005394[1] |
 | |
La Pisa de la Sertal, retién l'agua del ríu Ribeles per aciu d'un banzáu de piedra. Dende la presa un aguañal de lloxa conduz l'agua hasta la cámara de carga, que regula la so cayida per aciu d'una compuerta.
El batán ye una tosca máquina de madera, emplegada pa enfurtir pieces de llana. Compónse d'una rueda hidráulica, qu'al xirar llevanta dos gruesos mazos que golpeen repetidamente les pieces de teles colocaes nuna artesa de madera.
L'edificiu qu'agospia la maquinaria ye de mampostería cubierta con teya bermeya. La solera tien dos niveles, una zona d'atención del batán y otra zona más baxa de descarga d'agua.
Adosaes al edificiu principal vense les ruines d'otra construcción.
Referencies
editar- ↑ «base de datos de monumentos de Wiki Loves Monuments» (13 payares 2017).
- El conteníu d'esti artículu amiesta material de la declaración de Bien d'Interés Cultural publicáu nel BOPA nu 300 el 30 de diciembre de 1994 (testu), que s'alcuentra nel dominiu públicu arriendes a lo dispuesto nel artículu 13 de la Llei de Propiedá Inteleutual española.
Enllaces esternos
editar
Datos: Q8244975
