Becrux o Mimosa son nomes que recibe la estrella Beta Crucis (β Cru / HD 111123 / HR 4853),[9] la segunda más brillosa na constelación de la Cruz del Sur (Crux Australis) y la ventiava más brillosa del cielu nocherniegu. El términu «Becrux» nun ye más qu'una contraición de la lletra griega Beta y la pallabra Crux, ente que l'orixe del nome «Mimosa» pue tar rellacionáu cola flor del mesmu nome.

Ficha d'oxetu celesteBecrux
Datos d'observación
Ascensión reuta (α) 191,930286562 °[1]
Declinación (δ) −59,688771996 °[1]
Magnitú aparente (V) 1,25 (banda V)
Magnitú absoluta −3,41
Constelación Crux[3]
Velocidá de rotación 35 km/s[4] y 44 km/s[5]
Velocidá radial 10,3 km/s[6]
Parallax 11,71 mas[1]
Carauterístiques físiques
Masa 16 M☉
Gravedá superficial 10 200 cm/s²
Tipu espectral B1IV[8]
Otros nomes
Cambiar los datos en Wikidata

Coordenaes: Sky map 12h 47m 43.269s, -59° 41 19.579

Becrux ye una estrella subxigante de magnitú visual +1,30 de color azul y tipu espectral B0.5IV[9] con una temperatura cercana a los 27.000 K. La so lluminosidá, 2000 vegaes mayor que la del Sol nel espectru visible, xube a 19.600 soles cuando se considera la radiación emitida nel ultravioleta, que nuna estrella tan caliente supón una proporción importante. El so diámetru ye aproximao 7 vegaes el del Sol, y la so masa ye 14 vegaes la solar. Ye una estrella nueva, con una edá envalorada de 10 millones d'años, que'l so conteníu relativo de fierro ye igual a 3/4 partes del atopáu nel Sol. Ye una variable pulsante de tipu Beta Cephei, que'l so rellumu varia ente magnitú +1,23 y +1,33 con periodos de 4,588, 4,028, 4,386, 6,805 y 8,618 hores.[10]

Asitiada a 280 años lluz del Sistema Solar, l'espectru de Becrux revela que ye una estrella binaria cercana que les sos dos componentes, dixebraes unes 7 unidaes astronómiques, tienen un periodu orbital de 5 años. Amás, afayóse una segunda compañera de masa baxo, non observable nel espectru visible pero activa en rayos X; ye una estrella pre-secuencia principal, esto ye, ta inda en procesu de formación. Dixebrada siquier 350 ua del par interior, emplega 1600 años o más en completar una órbita. Una cuarta estrella, visualmente a 42 segundos d'arcu, puede tamién pertenecer al sistema. Si realmente forma parte del mesmu, sería una nana naranxa distante siquier 3600 ua de la componente más brillosa.[10]

ReferenciesEditar

  1. 1,0 1,1 1,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2):  páxs. 653–664. doi:10.1051/0004-6361:20078357. 
  2. Afirmao en: Catalogue of Stellar Photometry in Johnson's 11-color system. Llingua de la obra o nome: inglés. Data d'espublización: 2002.
  3. Afirmao en: VizieR. Llingua de la obra o nome: inglés.
  4. Afirmao en: Catalogue of rotational velocities of the stars. Llingua de la obra o nome: inglés. Data d'espublización: xunu 1970.
  5. Afirmao en: A catalogue of stellar rotational velocities. Páxina: 1. Llingua de la obra o nome: inglés. Data d'espublización: 1970.
  6. Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2):  páxs. 727–732. doi:10.1051/0004-6361:20041213. 
  7. Andrea Fabiana Torres (27 marzu 2009). «Fundamental parameters of B supergiants from the BCD system. I. Calibration of the (λ_1, D) parameters into Teff» (n'inglés). Astronomy and Astrophysics (1):  páxs. 297–320. doi:10.1051/0004-6361/200811147. 
  8. «Radial velocities of Z Sculptoris, ksi Phoenicis and beta Crucis» (n'inglés). The Astrophysical Journal:  páxs. 654–656. 1952. doi:10.1086/145659. 
  9. 9,0 9,1 Beta Crucis- Variable Star of beta Cep type (SIMBAD)
  10. 10,0 10,1 Mimosa (Stars, Jim Kaler)

Coordenaes:   12h 47m 43.269s, -59° 41 19.579