Benito Lué y Riega
Benito Lué y Riega (12 de marzu de 1753, Llastres – 22 de marzu de 1812) foi un eclesiásticu asturianu, obispu de Buenos Aires na fas cabera de la colonización española n'América. Foi un notoriu opositor a la revolución de mayu de 1810 y al procesu d'independencia arxentina, sofitando'l bandu realista.
Benito Lué y Riega | |||
|---|---|---|---|
 | |||
9 agostu 1802 - ← Pedro Inocencio Bejarano - Mariano Medrano → Diócesis: Obispado de la Santísima Trinidad del Puerto de Buenos Aires (es)  | |||
| Vida | |||
| Nacimientu | Llastres[1], 12 de marzu de 1753[1] | ||
| Nacionalidá |
 Arxentina | ||
| Muerte | 22 de marzu de 1812[1] (59 años) | ||
| Sepultura |
Catedral metropolitana de Buenos Aires (es) | ||
| Oficiu | sacerdote católicu, obispu católicu | ||
| Creencies | |||
| Relixón | Ilesia Católica[2] | ||
 | |||
Biografía
editarNació en Llastres, el 12 de marzu de 1753, fíu de Cosme de Lué y de María Josefa de Riega. Na mocedá foi oficial d'exércitu, pero en enviudando garró la carrera eclesiástica. Estudió teolonía'n Santiago de Compostela y foi deán de la catedral de Lugo.
Obispu de Buenos Aires
editarEl Conseyu d'Indies propúnxolu al rei pa ocupar la sde de Buenos Aires y el 9 d'agostu de 1802 foi nomáu obispu d'esa ciudá pol Papa Píu VII. Aportó a Montevidéu'l 30 de marzu de 1803 y a Buenos Aires el 22 d'abril. El 29 de mayu de 1803 foi consagráu en Córdoba pol obispu Ángel Mariano Moscoso.
Actuación política
editarNa Revolución de Mayu de 1810 defendió la tesis de que'l Virreinatu del Río de la Plata yera una colonia d'España. Mantúvose nuna postura firmemente llegalista, sofitando la xura del Conseyu de Rexencia. Cuando los patriotes quixeren contradecilu, contestó-yos qu'elli nun fuere llamáu a reñer, sinón a dicir llibremente la so opinión. Curiosamente, tolos eclesiásticos que votaren dempués d'elli fixérenlo a favor de la Revolución de Mayu.[3]
Años caberos
editarNon opuso nenguna resistencia, de pallabra nin de fechu, a la Primer Xunta, y acató en públicu al nuevu gobiernu. Un mes sero quixo entamar una xira pastoral, pero la Xunta torgó-ylo, camentando qu'en realidá rondaba fuxir a Montevidéu, ónde la Xunta nun yera reconocida. En xunetu torgóse-y falar en públicu y confesar a los fieles. Pero siguió siendo l'obispu, y nun apertó a los sacerdotes de la diócesis escontra la Xunta. El Primer Triunviratu desterrólu al pueblu de San Fernando, al norte de Buenos Aires.
En marzu de 1812, dellos personaxes que yeren poco menos que los sos enemigos, festexaren el so cabudañu con una cena na quinta de San Fernando ónde vivía. Amaneció muertu, cuasi de xuru envenenáu pol Archidiáconu Ramírez, acérrimu partidariu de la Revolución. El 24 d'esi mesmu mes recibió sepultura nel Panteón soterráneu de la Catedral.
Referencies
editar- ↑ 1,0 1,1 1,2 Afirmao en: Diccionario biográfico español. Identificador DBE: 56591/benito-de-lue-y-riega. Data de consulta: 10 avientu 2020. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ Afirmao en: Catholic-Hierarchy.org. Identificador Catholic Hierarchy de persona: luey. Data de consulta: 21 ochobre 2020. Llingua de la obra o nome: inglés.
- ↑ Mayo de 1810. Actas del Cabildo de Buenos Aires, con estudio preliminar de Isidoro Ruiz Moreno, Ed. Claridad, Bs. As., 2009.
Bibliografía
editar- Di Stéfano, Roberto, El púlpito y la plaza, Ed. Siglo XXI de Argentina, Bs. As., 2004.
- Raúl Montero Bustamante, El Obispo de la Revolución Archiváu 2016-03-04 en Wayback Machine, Revista Nacional, Añu IX, Nmbrs. 103 a 105, px. 136-141.
- Patrón de Olazábal, Margarita, La visita del Obispo Lué. Sociedad y religión en el San José colonial, Revista Hoy es Historia, Nᵘ 34, Montevideo, xunetu - agostu 1989.
- Miguel Ángel Scenna, El caso del obispo envenenado, Revista Todo es Historia, Nᵘ 32.
| Predecesor: Manuel Azamor y Ramírez |
Obispu de Buenos Aires 1802 - 1812 |
Socesor: Mariano Medrano |
Datos: Q2895949
Multimedia: Benito Lué y Riega
