Wayback Machine
Wayback Machine ye un serviciu y una base de datos que contién copies d'una gran cantidá de páxines o sitios d'Internet. Si por dalguna razón dalgún sitiu nun ta disponible momentáneamente o foi borráu del servidor d'orixe, ye posible consultar un retruque vía "Wayback machine". De resultes d'esti proyeutu, tamién puede consultase la historia o cambeos de les páxines al traviés del tiempu.
 | ||
| Información xeneral | ||
|---|---|---|
| URL | https://web.archive.org | |
| Comercial | Sí | |
| Tipu de sitiu | Archivu | |
| Rexistru | 29 ochobre 2001 | |
| Idioma(es) disponibles | inglés | |
| Creador |
Brewster Kahle Bruce Gilliat | |
| Adoptada por | The Internet Archive | |
| Llanzamientu | 1996 | |
| Estáu actual | En llinia | |
| [editar datos en Wikidata] | ||
Carauterístiques
editarEl serviciu Wayback Machine funciona d'una manera simple: basta teclear la direición (URL) d'una páxina web pa ver cuál ye la última copia qu'hai guardada nel archivu.[1]Si queremos ver cómo yera va un tiempu una páxina en cuestión, entós Wayback machine va pidinos en qué fecha y añu queremos visitar la páxina. Esiste un calendariu na parte cimera de la pantalla, que dexa ver gráficamente les captures a lo llargo del tiempu. El llargor de les barres del gráficu indica en qué meses se fixeron más copies.
Lo que fai esti sitiu p'almacenar tol conteníu de la páxina web ye bien simple pero atélite: almacena namái'l conteníu HTML del códigu fuente y nun guarda les imáxenes sinón solo'l códigu; por eso, cuando un servidor d'imáxenes esanicia dalguna imaxe del sitiu web orixinal, ésta nun ye reproducida, sinón que se marca como un error 404. En 2012 contenía 10 petabytes d'información y crecía en redol a 20 terabytes per mes.[2]
Sicasí Wayback Machine ta lloñe de ser una copia completa d'internet pos dellos sitios eviten el so indexación y grabación d'información, como por casu usando l'archivu robots.txt con:
User-agent: ia_archiver
Disallow: /
Wayback CDX Server API
editarDende payares de 2015 Wayback Machine cuenta con un serviciu de indexado de captures de páxines que dexa, rápido, conocer l'historial de grabáu pa cada URL tantu en formatu propiu como en formatu JSON.[3] Dichu serviciu ye un proyeutu en fase beta denomináu Wayback CDX Server API y que'l so códigu fuente y manual d'usu ta agospiáu en GitHub.[4]
Referencies
editar- ↑ tiempu-les-paginas-web-anueva/399043.shtml Wayback Machine: la máquina del tiempu de les páxines web anuévase
- ↑ Minard, Jonathan (25 d'ochobre de 2012). «10,000,000,000,000,000 Bytes Archived» (inglés). Consultáu'l 14 de febreru de 2018. «Documentation of the unplugged presentation "10 Petabytes Archived!" on October 25, 2012 at the Internet Archive Featuring presentations by Brewster Kahle, Robert Miller, Kristine Hanna, Alexis Rossi, Dave Marvit, and Roger Macdonald, with live music by Jeff Kaplan (guitar), and Don Knuth (organ).»
- ↑ Leetaru, Kalev (16 de payares de 2015). «How Much Of The Internet Does The Wayback Machine Really Archive?» (inglés). Archiváu dende l'orixinal, el 1 d'avientu de 2015. Consultáu'l 14 de febreru de 2018. «The complete history of all snapshots ever recorded by the Archive for the homepage of each website was requested using the Wayback CDX Server API through November 5, 2015. While this only reflects snapshots of homepages, rather than sites as a whole, it nonetheless captures a key metric of how often the Archive is crawling each site.»
- ↑ «Wayback CDX Server API - BETA». Archiváu dende l'orixinal, el 2016-02-07.
Enllaces esternos
editar
Datos: Q648266
Multimedia: Wayback Machine
