Bermiego

parroquia del conceyu de Quirós (Asturies)

Bermiego[1] ye una de les trece parroquies del conceyu asturianu de Quirós.

Blue globe icon.svgBermiego
Hórreos de Bermiego.jpg
Alministración
PaísFlag of Spain.svg España
AutonomíaFlag of Asturias.svg Principáu d'Asturies
Provincia provincia d'Asturies
Conceyu Quirós
Partíu xudicial Ḷḷena
Tipu d'entidá parroquia d'Asturies
Códigu postal 33118
Xeografía
Coordenaes 43°12′N 5°58′O / 43.2°N 5.97°O / 43.2; -5.97Coordenaes: 43°12′N 5°58′O / 43.2°N 5.97°O / 43.2; -5.97
Bermiego alcuéntrase n'Asturies
Bermiego
Bermiego
Bermiego (Asturies)
Superficie 9.76 km²
Demografía
Población 77 hab. (2017)
Porcentaxe 6.65% de Quirós
Densidá 7,89 hab/km²
Viviendes 82 (2001)
Más información
Estaya horaria UTC+01:00
Cambiar los datos en Wikidata

Situación y comunicacionesEditar

La parroquia de Bermiego asítiase na fastera septentrional del conceyu de Quirós. Llenda cola parroquia de Pedroveya al norte, colos conceyos de Morcín y Riosa al noreste, cola parroquia de Salceo al sureste, cola parroquia de Casares al sur, cola de Las Agüeras al oeste y col conceyu de Proaza al noroeste.

Alcuéntrase a una distancia media de Bárzana, la capital del conceyu, de 6'90 km.

Llégase a Bermiego pela carretera AS-229, tomando la carretera QU-6, que sube hasta'l llugar de Bermiego.

El códigu postal ye'l 33118.

Territoriu y poblaciónEditar

 
Panera nel llugar de Bermiego

Tien una superficie de 9,76 km²[2], muy pindia: 8,42 km² tan por enriba de los 800 metros d'altitú y 7,55 km² tienen un desnivel mayor del 20%.

Tien una población de 77 hab. (2017) [3] que se reparten ente'l llugar de Bermiego (72 hab.) y la casería de Carrexa (5 hab.)

ToponimiaEditar

Xosé Lluis García Arias, na so obra "Toponimia Asturiana" (espublizada na rede pol diariu "La Nueva España"), nun ufierta denguna desplicación sobre l'orixe del nome de la parroquia.

Pola so parte, Josefina Álvarez Viejo, en Toponimia 19. Quirós (1), de l'Academia de la Llingua Asturiana, dedicao al estudiu de la toponimia mayor y menos de la parroquia de Bermiego, tampoco mos da mayor información al respeutu.

Sitios d'interésEditar

Caseríu de BermiegoEditar

El caseríu del llugar de Bermiego tien exemplos bien interesantes d'arquiteutura tradicional asturiana con cortes de piedra, un llavaderu, fuentes, molinos y cases con corredor.

Sicasí, el llugar destaca por contar con más de docenes d'horrios y paneres, con gran bayura de decoración xeométrica y simbólica.

Teixu de BermiegoEditar

Tamién nomáu "el teixu la Ilesia", por alcontrase a la puerta de la ilesia parroquial de Santa María.

Esti texu milenariu ta declaráu Monumentu Natural el 27 d'abril de 1995.

Rebollu de BermiegoEditar

El Reboḷḷo de Bermiego, alcuéntrase nel centru del llugar, averáu a la capiella San Antonio.

Esti rebollu foi declaráu Monumentu Natural el 27 d'abril de 1995.

FiestesEditar

ReferenciesEditar

  1. «Espediente colos topónimos oficiales de Quirós». BOPA.
  2. (2000) Diccionario Geográfico de Asturias (en castellanu). Uviéu: Editorial Prensa Asturiana, S.A.
  3. Padrón municipal d'España 2017

Enllaces esternosEditar