Busgosu

El busgosu ye un personaxe de la mitoloxía asturiana y d'otres de la fastiella cantábrica.

Busgosu
Información
Sexu	masculín
Conexones	mitoloxía asturiana
[editar datos en Wikidata]

Carauterístiques

El busgosu ye un ser metá home metá castrón. Tien tupida cabella, les sos pates son de castrón al igual que los cuernos que tien na tiesta. El torsu y los brazos, al igual que'l so rostru, ye humanu. Viste con traxe y sombreru verde. Esisten dos mitos, unu nel oriente, el cualu aseméyase más al mitu cántabru, onde'l busgosu ye benefactor y guía a los pastores cuando se pierden, o echa un gabitu pa iguar les cabañes de les brañes. L'otru mitu, más espardíu nel occidente d'Asturies, diz que'l busgosu ye'l señor de la viesca y de tolo qu'habita nella. Ye enemigu encarnizáu de los lleñadores y cazadores. Probablemente esti mitu fuera introducíu polos ferreros vascos afitaos n'Asturies nel sieglu XVII, magar qu'otros estudiosos del tema considérenlu un mitu llariegu.

Ver tamién

• Mitoloxía asturiana

Enllaces esternos

• Datos: Q3757226