Cámara de Representantes de los Estaos Xuníos
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Cámara de Representantes de los Estaos Xuníos ye la cámara baxa del Congresu de los Estaos Xuníos. Xunto col Senáu, que ye la cámara alta, conforma'l parllamentu nacional de los Estaos Xuníos.
| Cámara de Representantes de los Estaos Xuníos | |
|---|---|
| The United States House of Representatives | |
 | |
 | |
| Datos xenerales | |
| Tipu |
Cámara de Representantes, cámara legislativa electa (es)  , jurisdicción (es) y legislative branch agency (en) |
| Estáu |
 Estaos Xuníos |
| Sede | Capitoliu de los Estaos Xuníos |
| Parte de | Congresu de los Estaos Xuníos |
| Formáu por | miembru de la Cámara de Representantes de los Estaos Xuníos |
| Composición | |
| Númberu d'escaños | 435 |
_US_House_of_Representatives.svg) | |
| Más información | |
| house.gov | |
 | |
La so composición establezla l'artículu 1 de la Constitución de los Estaos Xuníos. La Cámara fórmenla un representante de cada distritu eleutoral. Los distritos repártense ente los 50 estaos sobre la base de la so población acordies colos datos apurríos pola Oficina del Censu, y son elixíos por sufraxu universal directu. El númberu total de representantes ta afitao por llei en 435. Del repartu fechu de resultes del censu de 2010 California convirtióse nel estáu con más representantes, 53, mentantu que hai siete estaos que tienen namái un: Alaska, Delaware, Montana, Dakota del Norte, Dakota del Sur, Vermont y Wyoming.
Correspuénde-y a la Cámara la función d'aprobar les lleis, conxuntamente col Senáu, y presentales dempués al presidente pa que les ratifique. Tien, tamién, poderes esclusivos, como son el de promover toles lleis rellacionaes colos ingresos estatales, l'entamu del procesu de destitución (impeachment) de los cargos federales, que son xulgaos por un comité del Senáu, y el d'elixir al presidente cuando dengún candidatu recibe la mayoría de los votos del Colexu Eleutoral. Nesti casu ye misión de la Cámara escoyer ún d'entre los trés candidatos con más votos del colexu, nuna votación na que cada estáu tien un votu.
La Cámara aconceya na ala sur del edificiu del Capitoliu, y ye presidida pol presidente de la Cámara (speaker of the House), elixida ente los sos miembros y qu'aveza ser el cabezaleru del partíu con mayoría nella.
Referencies
editarEnllaces esternos
editar
Wikimedia Commons tien conteníu multimedia tocante a Cámara de Representantes de los Estaos Xuníos.- Páxina web oficial de la Cámara de Representantes.
Datos: Q11701- Multimedia: United States House of Representatives
