18-11-2004 00:00

Wyoming ye ún de los estaos de los Estaos Xuníos d'América, asitáu nel Oeste del país. Llenda al norte con Montana, al este con Dakota del Sur y Nebraska, al sur con Colorado, al suroeste con Utah, y al oeste con Idaho y Montana. Ye'l décimu mayor estáu n'estensión y el menos pobláu, y tamién el segundu cola población más esparcida. La so población en 2019 (estimación de la Oficina del Censu) yera de 578.759 habitantes, menos de los que tienen les 31 mayores ciudaes del país[1]. La so capital y mayor ciudá ye Cheyenne, que tenía 63.243 habitantes en 2020[2].

Blue globe icon.svgWyoming
From Chittenden Road, Mt. Washburn, Yellowstone NP - panoramio - Aaron Zhu.jpg
Flag of Wyoming.svg Seal of Wyoming.svg
Alministración
PaísBandera de Estaos Xuníos d'América Estaos Xuníos d'América
Tipu d'entidá Estaos d'Estaos Xuníos
Gobernador de Wyoming (es) Traducir Mark Gordon
Nome oficial State of Wyoming
Nome llocal State of Wyoming
Xeografía
Coordenaes 43°00′N 107°30′O / 43°N 107.5°O / 43; -107.5Coordenaes: 43°00′N 107°30′O / 43°N 107.5°O / 43; -107.5
Wyoming alcuéntrase en los EE.XX.
Wyoming
Wyoming
Wyoming (los EE.XX.)
Wyoming in United States.svg
Superficie 253348 km²
Altitú 2040 m
Llenda con Montana, Dakota del Sur, Nebraska, Colorado, Utah y Idaho
Demografía
Población 586 107 hab. (2015)
Porcentaxe 0.18% d'Estaos Xuníos
Densidá 2,31 hab/km²
Más información
Fundación 10 xunetu 1890
Estaya horaria UTC−07:00, Mountain Time Zone (MTZ) y America/Denver (en) Traducir
wyoming.gov
Cambiar los datos en Wikidata

Los sos dos tercios occidentales son montañosos, y tán ocupaos poles cordeleres y les camperes de los Montes Rocosos, mentantu que'l so terciu oriental ye parte de la meseta n'altura conocida como Grandes Enllanaes. Cuasi la metá del territoriu del estáu ye propiedá del gobiernu federal, repartíu ente dos parques nacionales (Grand Teton y Yellowstone), dos zones nacionales de recréu, dos monumentos nacionales y delles viesques nacionales, sitios históricos, cotos de pesca y reserves de caza.

Ente los habitantes nativos de la rexón rescamplen los de les etnies crow, arapaho, lakota y shoshone. El suroeste de Wyoming foi reclamáu pol Imperiu español, que nunca lu ocupó realmente, y dempués pasó a ser parte de Méxicu hasta que foi cedíu a Estaos Xuníos en 1848, tres de la guerra méxicu-americana. La rexón entamó a llamase Wyoming de magar una llei llevada al Congresu en 1865 pa dar forma llegal al «gobiernu provisional del territoriu de Wyoming». El nome usárase primero pa denomar el valle homónimu de Pennsylvania, y ye un deriváu de la pallabra en llingua munsee 'xwé:wamənk', que significa «na llanada del gran ríu»[3].

Los principales pegollos de la economía del estáu son la estraccion de minerales (carbón, petroleu, gas natural y trona) y el turismu. Ente les principales producciones del sector primariu rescamplen el ganáu vacunu, la yerba seca, la remolacha, cereales como'l trigu y la cebada y la llana. El so clima ye semiáridu y continental, más secu y ventosu que'l del restu del país, con temperatures estremes neto en branu que n'iviernu.

La so población vota mayoritariamente al Partíu Republicanu dende la década de 1950: el candidatu d'esi partíu tien sacao los votos ellectorales del estáu de fomra ininterrumpida de magar, sacante nes elleiciones del añu 1964[4]. Donald Trump sacó-y 46 puntos de ventaxa al candidatu demócrata en 2016, no que foi el meyor resultáu del so partíu no que va del sieglu XXI.

Bandera de los Estaos Xuníos Los 50 estaos d'Estaos Xuníos d'América Bandera de los Estaos Xuníos

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming


ReferenciesEditar

  1. Quick facts: Wyoming. 2019 Population estimates of the U.S. Census Bureau.
  2. City Population Totals: Cheyenne City, WY. U.S. Census Data. Consultáu'l 15 de mayu de 2020.
  3. Bright W, Native American Place Names of the United States, p. 576. Norman, 2004, University of Oklahoma Press.
  4. Dave Leip's Atlas of U.S. Presidential Elections. Consultáu'l 15 de mayu de 2020.