Cáritas Diocesana d'Uviéu
Cáritas Diocesana d'Uviéu ye la organización oficial de l'Archidiócesis d'Uviéu pa l'aición caritativo y social.
Por cuenta de la coincidencia, cuasi total, del territoriu d'Asturies, col de la Archidiócesis d'Uviéu, n'ocasiones utiliza'l nome de Cáritas d'Asturies, inclusive na URL de la so páxina web oficial (http://www.caritas.es/asturias).
Ye una de les 68 Cáritas Diocesanes confederaes en Cáritas Española. Civilmente, tien personalidá xurídica propia, tando inscrita nel Rexistru d'Entidaes Relixoses del Ministeriu de Xusticia d'España col númberu 263–/0–SE/C, como asociación, dende'l 5 de marzu de 1981.[1]
Casa Social
editar
Dende'l 23 de xineru de 2008 Cáritas Diocesana d'Uviéu tien la so sede nel númberu 5 de la cai uvieína de González del Valle (43°21′48.8″N 5°51′5.1″W / 43.363556°N 5.851417°O). Cáritas ocupa 3 pisos de les antigües instalaciones de la residencia universitaria femenina de la Congregación de Relixoses Esclaves del Sagráu Corazón de Jesús, propietaries del inmueble.[2] El nuevu usu del inmueble ye posible gracies al alcuerdu de cesión robláu ente la Diócesis d'Uviéu y la Congregación el 20 de xunetu de 2007.[3][4]
La sede foi inaugurada oficialmente pol arzobispu d'Uviéu, Carlos Osoro, nun actu que cuntó cola presencia de Vicente Álvarez Areces, presidente del Principáu; Gabino de Lorenzo, alcalde d'Uviéu; Antonio Trevín, Delegación del Gobiernu delegáu del Gobiernu n'Asturies; María Antonia Fernández Felgueroso, procuradora xeneral del Principáu; y Ramón Quirós y Pilar Rodríguez, conseyeros de Salú y Bienestar Social, respeutivamente.[5][6]
Enantes, la sede taba asitiada nel primer pisu del númberu 3 de la plaza d'Alfonso II el Castu, la conocida popularmente como plaza de la Catedral, dende'l 28 de payares de 2003. El llocal, de 350 m², taba ocupáu en réxime d'arriendu.[7]
Organización Territorial
editarCáritas Diocesana d'Uviéu entámase territorialmente en 2 niveles:
- El nivel inferior correspuende a les Cáritas Parroquiales o d'Unidá Parroquial d'Aición Pastoral (UPAP).[8] Dicha Cáritas son "la célula básica de l'aición caritativo y social de la Ilesia na Diócesis".
- El párrocu ye'l presidente de la Cáritas parroquial o de UPAP, que noma, llibremente, al direutor, al secretariu y al tesoreru. Estos formen l'equipu parroquial, xunto colos responsable de caúna de les actividaes y los representantes d'entidaes d'aición caritativa y social, que desenvuelven la so actividá nel territoriu de la parroquia o la UPAP.
- Paradóxicamente, les Cáritas parroquiales y de UPAP nun tienen la personalidá xurídica de Cáritas Diocesana, si non la de la parroquia o la de la UPAP.
- El nivel cimeru ta formáu poles Cáritas Arciprestales, que son estructures de serviciu a les Cáritas parroquiales y de UPAP del Arciprestalgu. De la mesma, les Cáritas Arciprestales pueden estremase en Zones, según les necesidaes.
- Na Asamblea de Cáritas Arciprestal, presidida pol Delegáu Arciprestal, tienen voz y votu el Coordinador, el Secretariu y el Responsable d'Economía, los párrocos y direutores parroquiales y de UPAP, un responsable de cada proyeutu arciprestal y un representante de cada entidá d'aición caritativa y social que desenvuelva la so actividá nel territoriu del Arciprestalgu.
- L'Asamblea Arciprestal tien ente les sos funciones la eleición del coordinador. L'Asamblea toma les sos decisiones por mayoría absoluta, tando supeditada les sos votaciones a l'aprobación del delegáu arciprestal. El secretariu y el responsable d'economía son nomaos, llibremente, pol delegáu y el coordinador. L'órganu permanente de coordinación y espresión ye'l Conseyu arciprestal, presidíu pol delegáu. Formen parte d'él, amás del delegáu, el coordinador, el secretariu y el responsable d'Economía.
Nel añu 2008, Cáritas Asturies cuntaba con 101 Cáritas parroquiales, 37 Cáritas de UPAP y 12 Cáritas Arciprestales.
Destinatarios
editarLos destinatarios de l'aición de Cáritas Asturies son:
- Persones en situación de probeza y marxinación nel territoriu de les parroquies, al traviés de los Equipos de les Cáritas Parroquiales y de UPAP, direutamente, y sofitaos poles Cáritas Arciprestales.
- Persones pertenecientes a coleutivos escluyíos o en vulnerabilidá social, al traviés de los Programes Sectoriales:
- Infancia y adolescencia en riesgu social
- Persones mayores
- Persones ensin techu
- Persones toxicómanes
- Persones recluyíes y ex-recluyíes
- Emplegu y insercón llaboral
- Persones inmigrantes
- Cooperación Internacional al Desarrollu
- Sofito al Trabayu Social nel Territoriu
Nel añu 2008, dende les Cáritas Parroquiales y Arcipresales atender a 6.062 families (10.720 persones) por aciu 4.378 ayudes direutes. Estes ayudes consistieron, principalmente, en ropes y muebles, ayudes sanitaries y sofitu n'alimentación.
Órganos direutivos
editarSegún los estatutos aprobaos pol arzobispu d'Uviéu Carlos Osoro Sierra, el 29 de mayu de 2005, día del Corpus Christi, los órganos direutivos de Cáritas Diocesana d'Uviéu son:
- Presidente
- Delegáu Diocesanu
- Órganos colexaos:
- Asamblea Diocesana
- Conseyu Diocesanu
- Conseyu Permanente:
- Órganos personales:
- Direutor
- Secretariu Xeneral
- Alministrador
Presidente
editarEl presidente nato de Cáritas Diocesanu d'Uviéu ye l'Arzobispu d'Uviéu. Como tal, ye'l máximu responsable de la so xestión y la so configuración. Ente les sos competencies tán el llibre nomamientu y remoción del Delegáu Diocesanu, oyíu al Conseyu Diocesanu, y el llibre nomamientu y cese del Direutor, del Secretariu Xeneral y del Alministrador.
Delegáu Diocesanu
editarYe'l representante permanente del Arzobispu nel Conseyu Diocesanu, na Comisión Permanente y nes diversa Cáritas que formen Cáritas d'Asturies.
Dende'l 2 d'avientu de 2002, en que tomó posesión del cargu, en sustitución d'Alberto Reigada, el puestu ta desempeñáu por Marcelino Garay.
Direutor
editarEl Direutor ye'l responsable executivu de Cáritas Diocesana d'Uviéu.
Dende'l 15 de setiembre de 2005 el cargu ye desempeñáu por Adolfo Rivas. Con anterioridá yera'l "responsable executivu de direición", nomáu pol Arzobispu.
Reconocencies
editarEl periódicu La Nueva España concedió-y el so premiu «Asturiana del mes correspondiente a xineru de 2010, por «la so trayeutoria na llucha contra la probeza y l'esclusión social» n'Asturies.[9]
Referencies
editar- ↑ «Rexistro d'Entidaes Relixoses». Ministeriu de Xusticia. Archiváu dende l'orixinal, el 28 d'avientu de 2009. Consultáu'l 7 de setiembre de 2008.
- ↑ «Carita diocesana abre la so nueva sede». Archiváu dende l'orixinal, el 14 de xunu de 2008. Consultáu'l 4 d'avientu de 2008.
- ↑ Fernández-Pello, Elena (21 de xunetu de 2007). Cáritas va acoyer a muyeres ensin llar y con fíos na sede que va abrir xunto a Uría. La Nueva España.
- ↑ Nueva sede social de Cáritas d'Uviéu. La Voz de Asturias. 20 de xunetu de 2007.
- ↑ «NUEVA SEDE DE CÁRITAS DIOCESANA D'UVIÉU». — (Confederación Cáritas Española). 24 de xineru de 2008. Archivado del original el 17 d'avientu de 2009. https://web.archive.org/web/20091217122611/http://www.caritas.es/noticias/agencia/index.php?MjE%3D&Njg5. Consultáu'l 4 d'avientu de 2008.
- ↑ Villar, I. (24 de xineru de 2008). Cáritas inaugura la so nueva sede como un llugar «pa la xusticia social». elcomerciodigital.com.
- ↑ Carines inaugura la so sede na plaza de la Catedral. El Comercio. 29 de payares de 2003.
- ↑ (6 d'abril de 2004) Decreto de Constitución de les Unidaes Parroquiales d'Aición Pastoral na Archidiócesis d'Uviéu, páx. 1. «La Unidá Parroquial d'Aición Pastoral na Archidiócesis d'Uviéu ye l'agrupación estable de parroquies estremeres (...) encamentada a un sacerdote como una unidá d'evanxelización»
- ↑ Cáritas, «Asturiana del mes» de xineru pola so llucha contra la probeza y l'esclusión social
Bibliografía
editar- Estatuto de Cáritas Diocesana d'Uviéu
- Memories de Cáritas Diocesana d'Uviéu. Años 2003, 2004, 2005, 2006, 2007 y 2008.
Datos: Q5394204
