Presidente del Principáu d'Asturies

Adrían Barbón, presidente ende 2019

El Presidente del Principáu de Asturies, d'acordies l'Estatutu d'Autonomía d'Asturies, preside'l Conseyu de Gobiernu del Principáu d'Asturies, y dirixe la so actividá, coordina la Alministración de la comunidá autónoma, noma y dixebra a los conseyeros y caltién la suprema representación del Principáu y la ordinaria del Estáu n'Asturies. Ye escoyíu pola Xunta Xeneral del Principáu d'Asturies d'ente los sos miembros y ye nomáu pol Rei d'España.

EleiciónEditar

La eleición del presidente ta regullada pola llei autonómica 6/84, que sigue'l llamáu «modelu de pura elección». Producese tres la constitución de la Xunta Xeneral del Principáu o col cese del anterior presidente. Van ser candidatos a Presidente toos aquellos diputaos que fueren propuestos por un mínimu de cinco d'ellos. Arriendes d'ello, puede haber más d'un candidatu.

Tolos candidatos van esponer el so programa de gobiernu na mesma sesión y, tres ella, va celebrase la primer votación, conxunta para toos ellos. Si dalgún candidatu llograra mayoría absoluta nesta votación, resultaría escoyíu. En casu contrariu, realizaríase una nueva votación, trescurríes 48 hores, con namá los dos candidatos más votaos. Nesti casu, resultaría escoyíu'l candidatu con mayor númberu de votos (mayoría simple).

En casu d'empate, repitiríase la votación cada 48 hores a lo menos. En tolos casos, los diputaos voten públicamente y por llamamientu, contestando col nome d'un candidatu o cola espresión «abstengome» («me abstengo», en castellanu). Si pasaos dos meses dende la constitución de la Xunta Xeneral, nun foi escoyíu nengún candidatu, ésta va quedar eslleida dar en convocar nueves elecciones.

Presidentes d'AsturiesEditar

Llista de presidentes d'Asturies
Periodu Presidente Partíu
1981 - 1983 Rafael Fernández Álvarez1 FSA-PSOE
1983 - 1991 Pedro de Silva Cienfuegos-Jovellanos FSA-PSOE
1991 - 1993 Juan Luis Rodríguez-Vigil FSA-PSOE
1993 - 1995 Antonio Trevín Lombán FSA-PSOE
1995 - 1999 Sergio Marqués Fernández PP/URAS
1999 - 2011 Vicente Álvarez Areces FSA-PSOE
2011 - 2012 Francisco Álvarez Cascos FAC
2012 - 2019 Javier Fernández Fernández FSA-PSOE
2019 - Act. Adrián Barbón FSA-PSOE

1 Preautonómicu hasta'l 11 de xineru de 1982

Adrián BarbónJavier Fernández FernándezFrancisco Álvarez-CascosVicente Álvarez ArecesSergio MarquésAntonio TrevínJuan Luis Rodríguez-VirgilPedro de Silva (político)Rafael Fernández Álvarez 

ReferenciesEditar