Códigu d'Información de Banderes

ideograma usáu para indicar ciertes característiques de les banderes nacionales

El Códigu d'Información de Banderes (Flag Information Code, n'inglés) ye la convención oficial aprobada pola Federación Internacional d'Asociaciones Vexilolóxiques con cuenta de normalizar la descripción de les diverses característiques comunes a toles banderes y facilitar la so clasificación. El códigu ta basáu nos símbolos internacionales d'identificación de banderes creaos por Whitney Smith y foi definitivamente adoptáu a nivel internacional el 27 d'agostu de 1981[1].

Símbolos pa banderes según usuEditar

Esiste un sistema de símbolos desarrolláu nel codigu pa clasificar les banderes nacionales según l'usu. Esti métodu basase nuna celda con 6 huecos   y en cada una ponse un puntu pa indicar que esa bandera tiene esi usu. Nesta tabla simplificase lo que significa cada huecu.

Civil Gubernamental Guerra
Bandera bandera civil bandera institucional bandera de guerra
Pabellón pabellón civil pabellón institucional pabellón de guerra (o naval)

Polo tanto, los seis usos básicos son:

Otros símbolosEditar

La FIAV adoptó tamién otros símbolos -que nun formen parte del Códigu usaos para representar propiedaes de les banderes:[2]

Símbolu Descripción
  Bandera normal o bandera de iure
  Diseñu propuesto, nunca oficializau
  Diseñu reconstruyíu con base en descripciones vagues o información insuficiente
  Variante, dos o más versiones d'un mesmu diseñu básicu
  Alternativa, dos o más banderes que pueden usase -polo xeneral o baxu determinaes circunstancies- para la mesma función
  Bandera de facto, n'usu pero ensin sanción llegal
  Billateral, vista del anverso de la bandera cuando dambos llaos nun son iguales
  Aviesu (cuando ye distintu al anverso)
  L'anverso tien de vese col estil a la derecha del observador.
  Bandera histórica, non oficial na actualidá
  Bandera ensin autorizar a representar el grupu o país

Proporciones y coloresEditar

El codigu establez la manera de representar les proporciones de les banderes, que va tar dáu por un cociente de dos númberos, nel que'l primeru representa l'anchu de la bandera (definíu xeneralmente por ser el llau que va xuntáu al estil o mástil), y el segundu correspuende a la llongura de la mesma. D'esta miente, una bandera con trés unidaes d'anchu y cinco de llongura podría ser espresada tanto como 3:5 o como 3×5.

Por otru llau, el codigu establez unes abreviatures pa dalgunes de les colores más comunes neles banderes.

Color Bermeyu Naranxa Mariellu Verde Azul Púrpura Prietu Blancu Buxu Marrón Doraú Plateaú
Abreviatura R O Y V B P N W G M Au Ag

ReferenciesEditar

  1. FIAV - Códigu d'información de banderes. Testu completu y enmendado.
  2. Željko Heimer. «Flag Identification Symbols (FIS)» (inglés). The Flags & Arms of the Modern Era. Consultáu'l 8 de abril de 2015.

Enllaces esternosEditar