CE Bootis
CE Bootis (CE Boo / GJ 569 / HIP 72944)[7] ye una estrella de magnitú aparente +10,20 asitiada na constelación de Boötes, el pastor de gües. Un sistema binariu de dos nanes marrones —que bien podríen ser trés— orbiten alredor d'esta estrella, asitiada a 32,0 años lluz del Sistema Solar.
Coordenaes: 
14h 54m 29.236s, 16° 6′ 3.798″
CE Bootis (GJ 569 A) ye una nana colorada de tipu espectral M2.5V[7] con una temperatura superficial de 3540 K.[8] Tien un diámetru igual a la metá del diámetru solar[9] y relluma con una lluminosidá que correspuende al 0,7% de la que tien el Sol. La so masa ye de 0,35 ± 0,03 mases solares y tien una edá envalorada de 100 millones d'años.[10] Como munches otres nanes coloraes, ye una estrella acandilante[11] que despide fogarales y sufre aumentos sópitos ya impredicibles nel so rellumu.
Les estrelles conocíes más cercanes a CE Bootis son Ross 52 y DE Bootis, a 5,9 y 7,1 años lluz de distancia respeutivamente.[12]
Sistema de nanes marrones
editarA 5 segundos d'arcu de CE Bootis —equivalente a una separación de 50 UA— alcuéntrase GJ 569 B, un sistema formáu por, siquier, dos nanes marrones, con una masa total de 0,125 mases solares. Esti sistema completa una órbita alredor de CE Bootis cada 500 años aproximao.
De la mesma, GJ 569 B ye una binaria espectroscópica con un periodu de 876 díes, siendo la separación ente dambos oxetos de 0,89 UA. Estudios espectroscópicos y fotométricos suxeren qu'esta binaria ye en realidá un sistema triple formáu por trés nanes marrones práuticamente iguales —dos d'elles bien próximes ente sigo—, caúna d'elles con una masa averada de 0,04 mases solares.[10]
Referencies
editar- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ «UBV(RI)C JHKobservations ofHipparcos-selected nearby stars» (n'inglés). Monthly Notices of the Royal Astronomical Society (4): páxs. 1949–1968. 21 abril 2010. doi:.
- ↑ Caroline Soubiran (agostu 2018). «Gaia Data Release 2. The catalogue of radial velocity standard stars» (n'inglés). Astronomy and Astrophysics. doi:.
- ↑ Jason Wright (xunetu 2021). «The California Legacy Survey. I. A Catalog of 178 Planets from Precision Radial Velocity Monitoring of 719 Nearby Stars over Three Decades» (n'inglés). The Astrophysical Journal Supplement Series (1): páxs. 8. doi:.
- ↑ A. Klutsch (mayu 2015). «CARMENES input catalogue of M dwarfs. I. Low-resolution spectroscopy with CAFOS» (n'inglés). Astronomy and Astrophysics: páxs. 128–128. doi:.
- ↑ 7,0 7,1 CE Bootis (SIMBAD)
- ↑ Morales, J. C.; Ribas, I.; Jordi, C. (2008). «The effect of activity on stellar temperatures and radii». Astronomy and Astrophysics 478 (2). páxs. 507-512. http://cdsads.u-strasbg.fr/cgi-bin/nph-bib_query?2008A%26A...478..507M&db_key=AST&nosetcookie=1.
- ↑ Catalogue of Stellar Diameters (CADARS) (Pasinetti-Fracassini+ 2001)
- ↑ 10,0 10,1 Simon, M.; Bender, C.; Prato, L. (2006). «The Gl569 Multiple System». The Astrophysical Journal 644 (2). páxs. 1183-1192. http://cdsads.u-strasbg.fr/cgi-bin/nph-bib_query?2006ApJ...644.1183S&db_key=AST&nosetcookie=1.
- ↑ CE Bootis (General Catalogue of Variable Stars)
- ↑ Stars within 15 light-years of CE Boötis (The Internet Stellar Database)
Coordenaes: 14h 54m 29.236s, 16° 6′ 3.798″
Datos: Q5737066
