Cabu Adare
| Cabu Adare | |
|---|---|
 | |
| Situación | |
Condominio (es)  | Rexón del Tratáu Antárticu |
| Tipu | cabu |
| Asitiáu en | Mar de Ross |
| Coordenaes | 71°17′00″S 170°13′59″E / 71.2833°S 170.233°E |
| Datos | |
 | |
El cabu Adare ye una saliente de la mariña de L'Antártida na punta de la península Adare, que marca l'empiezu occidental del mar de Ross, y ta arrodiáu pol Cordal del Almirantalgu.[1]
El llugar foi un importante campamentu base mientres la edá heroica de la esploración de L'Antártida.
El cabu Adare considérase como'l puntu d'arranque de los macizos de los Montes Tresantárticos, polo que ye unu de los puntos estremos de la llende ente los dos grandes sectores del continente: L'Antártida Oriental y L'Antártida Occidental. Ye tamién el puntu que marca la llende ente la mariña Pennell y la mariña Borchgrevink de la Tierra de Victoria.
Historia
editarEl cabu Adare foi afayáu por James Clark Ross en 1841 y nomolu asina n'honor del so amigu'l vizconde de Adare (esti títulu deriva de la llocalidá de Adare (Irlanda). La espedición Southern Cross y l'espedición Aurora asitiaron el so campamentu base nesta zona (Cabañes de Borchgrevink). Los miembros del equipu norte de la espedición Terra Nova tuvieron nel cabu Adare ente 1911-1912 y construyeron un abellugu, anguaño en ruines.
Zona protexida
editarLa tumba de Nicolai Hanson nel cabu Adare, un miembru noruegu de la espedición antártica británica “Cruz del Sur” en 1898-1900, dirixida por Carsten Borchgrevink, compuesta d'una cruz, una placa y una gran roca que marca la cabeza de la tumba, esta mesma ta marcada por piedres de cuarzu blancu, foi designada Sitiu y Monumentu Históricu de L'Antártida n.º 23 sol Tratáu Antárticu.[2]
En 1998 el sitiu del cabu Adare foi designáu ZEP 29. En 2002 pasó a denominase Zona Antártica Especialmente Protexida ZAEP 159: Cabu Adare, Mariña Borchgrevink.
Referencies
editar- ↑ Significau históricu del Cabu Adare
- ↑ «List of Historic Sites and Monuments approved by the ATCM (2012)». Antarctic Treaty Secretariat (2012). Consultáu'l 30 de diciembre de 2013.
Enllaces esternos
editar
Wikimedia Commons acueye conteníu multimedia sobre Cabu Adare.
Datos: Q619297- Multimedia: Cape Adare
