L'Antártida Occidental
L'Antártida Occidental, o L'Antártida Menor,[1] (79°S 100°W / 79°S 100°O) ye una de los dos grandes rexones en que se suel estremar L'Antártida, correspondiendo a la masa continental, islles y barreres de xelu que s'atopen del llau de los montes Tresantárticos qu'enfrenta al océanu Pacíficu y en menor midida al océanu Atlánticu. Entiende básicamente la Tierra de Marie Byrd, la Tierra de Ellsworth, la península Antártica y les barreres de xelu Filchner-Ronne y Ross con toles islles conteníes nelles. Sacante un sector menor d'esta postrera barrera de xelu, toa L'Antártida Occidental queda dientro del hemisferiu occidental. El nome L'Antártida Occidental tamién suel ser utilizáu pa referir a tola parte del continente antárticu que pertenez al hemisferiu occidental, incluyendo asina a sectores de L'Antártida Oriental o Mayor.
| L'Antártida Occidental | |
|---|---|
.jpg) | |
| Situación | |
 | |
Condominio (es)  | Rexón del Tratáu Antárticu |
| Tipu | rexón xeográfica |
| Coordenaes | 79°S 100°W / 79°S 100°O |
| Datos | |
 | |
L'Antártida Menor ta dixebrada de la masa principal del continente, L'Antártida Oriental, pol mar de Ross y el mar de Weddell, asemeyando una xigantesca península que s'estrecha dende'l Polu Sur escontra l'estremu meridional d'América del Sur.
La diferenciación ente los dos sectores antárticos esistió dende hai más de 100 años (Balch, 1902; Nordenskjöld, 1905), pero'l so usu xeneralizáu empezó col Añu Xeofísicu Internacional (1957-1958) una y bones les esploraciones revelaren que los montes Tresantárticos constitúin una útil separación rexonal de L'Antártida. L'Advisory Committee on Antarctic Names (US-ACAN, de los Estaos Xuníos) aprobó'l nome (n'inglés, West Antarctica) en 1962.[2]
L'Antártida Occidental ta mayormente cubierta por una masiva capa de xelu referida como capa de xelu de L'Antártida Occidental, que forma parte del casquete polar continental conocíu como Indlandsis de L'Antártida. Esta capa de xelu ta dando muestres de retrocesu glaciar.[3] L'Antártida Occidental tien un relieve bien accidentáu con costes irregulares apinaes de fiordos y otros accidentes costeros. El relieve montascosu ta constituyíu por roques sedimentaries plegaes de la Edá Mesozoica y Cenozoica. Esta parte de L'Antártida tien islles que son un allongamientu de la cordal de los Andes (cordal Antartandes). En L'Antártida Occidental, so la corriente de xelu Ferrigno na zona de les tierres altes subglaciales Ellsworth, allúgase'l que quiciabes seya la canga más xigantesca de la superficie terrestre con fondures de 1500 m a 3000 m, un llargor d'aproximao 300 km y un anchor de 25 km.[4][5] Tal cañón deberíase principalmente a la erosión y paez ser una de les causes principales (xunto al calentamientu global) de la gran perda de xelos que ta asocediendo en gran parte de L'Antártida Occidental.
Ver tamién
editarReferencies
editar- ↑ SCAR Gazetteer Ref. Non 8365. Lesser Antarctica (West Antarctica)
- ↑ SCAR Gazetteer Ref. Non 15898. West Antarctica
- ↑ «Antarctic ice sheet is an 'awakened giant'». New Scientist (2 de febreru de 2005). Consultáu'l 26 de xineru de 2008.
- ↑ [https://www.abc.es/20120725/ciencia/abci-topen-valle-fondu-como-201207251719.html
- ↑ [1]
Enllaces esternos
editar
Datos: Q530917
