El cabu Columbia ye unu de los puntos más septentrionales de la tierra, allugáu en islla de Ellesmere, Canadá, el puntu más occidental de la mariña del mar de Lincoln, unu de los brazos del océanu Árticu. Ye'l puntu más septentrional de la tierra fuera de Groenlandia y la so distancia al Polu Norte ye de tan solo 769 km (478 milles / 415 milles náutiques).

Cabu Columbia
Cape Columbia (en)
Situación
PaísBandera de Canadá Canadá
Territorio (es) TraducirBandera de Nunavut Nunavut
Tipu cabu
Asitiáu en Mar de Lincoln
Coordenaes 83°06′41″N 69°57′30″W / 83.1114°N 69.9583°O / 83.1114; -69.9583
Cabu Columbia alcuéntrase en Canadá
Cabu Columbia
Cabu Columbia
Cabu Columbia (Canadá)
Datos
Cambiar los datos en Wikidata

Historia editar

El cabu Columbia foi algamáu en 1876 por Pelham Aldrich, un teniente de la espedición del esplorador británicu George Nares (1875-76).

Amás de ser unu de los puntos más cercanos al polu, cabu Columbia foi escoyíu como puntu de partida por Robert Peary nel so últimu intentu p'algamar el Polu en 1909, porque taba lo suficientemente alloñáu al oeste como pa tar llibre del xelu que cerraba la canal Robeson, l'últimu tramu del estrechu de Nares. Dende cabu Columbia pensaben algamar en llinia recta'l Polu caminando sobre'l xelu del océanu Polar. El campamentu d'iviernu y el so buque Roosevelt taben asitiaos a unos noventa milles al sureste, en cabu Sheridan, cerca d'Alert.

Peary utilizó un sistema, el sistema Peary, que se basaba en dellos equipos de sofitu que diben rozando'l camín y dexando cebera n'escondites. Esos equipos, siempres en trineos de perros, salieron del Roosevelt a partir del 15 al 22 de febreru de 1909, tornando a cabu Columbia. El 1 de marzu la espedición salió de cabu de Columbia escontra'l Polu. El paralelu 84º crucióse'l 18 de marzu y el 86º el 23 de marzu. La posición final algamada por Peary ye güei día puesta en dulda, una y bones les velocidaes qu'afirmó consiguir dempués de la marcha de los postreros testigos independientes faen, nel meyor de los casos, duldar. Peary tornó a la tierra en cabu Columbia de nuevu'l 23 d'abril.

Referencies editar

  • Nares, George (1878). Narrative of A Voyage to the Polar Sea in H.M. Ships 'Alert' and 'Discovery'. Londresn: Sampson Low, Marston, Searle, & Rivington.

Referencies editar

Enllaces esternos editar