Cabu Peñes

Allugáu al norte del conceyu de Gozón, el cabu Peñes ye'l cabu más septentrional d'Asturies. Coronando'l cabu, alcuéntrase'l Faru de Peñes, de gran importancia histórico-cultural.

Cabu Peñes
Situación
País	España
Autonomía	Principáu d'Asturies
Provincia	provincia d'Asturies
Conceyu	Gozón
Parroquia	Viodo
Tipu	cabu
Asitiáu en	mar Cantábricu
Coordenaes	43°39′02″N 5°51′00″W
Cabu Peñes Cabu Peñes (Asturies)
Datos

Les sos muries de cuarcita armoricano allevántense 100 metros per enriba de les agües del Cantábricu. Dende'l so altor pueden vese castros y islles como la Erbosa, la segunda en tamañu d'Asturies.

El perfil triangular d'esti cabu caracterízase por presentar discretes ensenaes, pequeñes viesques atlántiques, amplios pradiales, valles suaves y faces destinaes a la plantación de maíz o ocalitos per onde viven especies animales como la llebre europea, la garduña o'l raposu ente los mamíferos, y la maeva y el paíñu ente les aves.

Foi declaráu Paisaxe Protexíu en 1995 pol Decretu 80/1995, entrando a formar parte de la Rede Rexonal d'Espacios Naturales Protexíos (RRENP). Dientro d'estos 19,2 km² desarróllase una vexetación halófilo, magar que l'elementu vexetal de mayor importancia son les comunidaes d'acuátiques y turfófiles.

Enllaces esternos

• Wikimedia Commons tien conteníu multimedia tocante a Cabu Peñes.

• Datos: Q766448
• Multimedia: Cabo Peñas