Calendariu armeniu

El calendariu armeniu introduxéronlu n'Armenia los perses nel sieglu IV e.C., pero tien más semeyances col calendariu exipciu. L'añu constaba de 360 díes más 5 intercalaos. Nun tien añu bisiestu, polo que pierden un día cada 4 años.

El primer día del añu armeniu ye l'11 d'agostu, y nómase Nurus. Esti calendariu coincide col xulianu cada 1461 años armenios (1460 años xulianos). Esti periodu denómase la Gran Era Armenia. Amás d'esta Gran Era esisten eres menores de 532 años: la era d'Alexandría, la era de Xuan Diáconu y la era d'Azaríes Yulja (esta última ye l'actual).

La Gran Era Armenia entama col conciliu de Tiben, nel que se va producir la cisma de la Ilesia griega. Entamó'l 9 de xunetu de 552 (añu bisiestu).

Meses armeniosEditar

Los meses armenios actuales tienen los nomes que vienen darréu:

  • Chams
  • Atam
  • Chepaz
  • Naja
  • Gamar
  • Natar
  • Zira
  • Tane
  • Hamira
  • Aram
  • Ovtam
  • Nirham