Calvados (aguardiente)
El calvados[1] ye un aguardiente de sidra propio de la rexón de Normandía (Francia). Ye una bebida que tien appellation d'origine contrôlée o AOC (n'asturianu: denominación d'orixe controlada) y produzse esclusivamente en Normandía.
| Calvados (aguardiente) | ||
|---|---|---|
 | ||
| Nome | Calvados (aguardiente) | |
| Procedencia | Francia | |
| Fecha de creación | sieglu XVI | |
| Procedencia | Francia | |
| Detalles | ||
| Materiales usaos | mazana | |
| Colores | marrón | |
| Más información | ||
| calvados-aoc.be | ||
| [editar datos en Wikidata] | ||
Consumu
editar
El calvados ye conocíu popularmente como calva en Francia. Consúmese xeneralmente sólo, enantes de la xinta o p'acompañar quesos y postres, y entra na ellaboración de numberoses recetes de la gastronomía normanda. Emplégase tamién pa flamear carnes, crêpes y tartes.
El café calvo ye un café solo al que se-y echa un chorrín de calvados.
El tradicional trou normand (buecu normandu) consiste en tomar una copina de calvados ente los platos más bayurosos de la comíes. Esta tradición débese a que d'antiguo les comíes festives yeren bien llargues y yeren dellos platos de carne; la copina de calvados facilitaba la dixestión. Na gastronomía normanda actual, suelse sirvir un suerbu de mazana o de pera, acompañáu o non de calvados, depués de les carnes.
Referencies
editar- ↑ Esti términu apaez nel Diccionariu de l'Academia de la Llingua Asturiana. Ver: calvados
Enllaces esternos
editar
Wikimedia Commons acueye conteníu multimedia sobre Calvados.
Datos: Q3268- Multimedia: Calvados (spirit)
