Campana de Bochum
La escultura urbana conocida pol nome Campana de Bochum, allugada na Cai de Llamaquique, na ciudá d'Uviéu, Principáu d'Asturies, España, ye una de les más d'un centenar qu'afaten les cais de la mentada ciudá española.[1][2]
| Campana de Bochum | |
|---|---|
| escultura | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Uviéu |
| Coordenaes | 43°21′32″N 5°51′13″W / 43.358885°N 5.853498°O |
  Campana de Bochum Campana de Bochum (Asturies) | |
| Materiales | bronce |
 | |
El paisaxe urbanu d'esta ciudá ta afatáu por obres escultóriques, xeneralmente monumentos conmemorativos dedicaos a personaxes d'especial relevancia nun primer momentu, y más puramente artístiques dende finales del sieglu XX.[3]
Bochum ye una de les ciudaes más importantes del Valle del Ruhr, asitiáu na Renania del Norte-Westfalia, n'Alemaña. Trátase d'una ciudá industrial, con gran variedá d'instalaciones y sede d'una Universidá. En setiembre de 1979 hubo una iniciativa per parte l'alcalde de Bochum pa facer la hermanancia d'ella con dalguna ciudá española al traviés la Embaxada d'España en Bonn; el Plenu del Conceyu d'Uviéu aceutólu por unanimidá na sesión del día 26 d'ochobre de 1980, siendo alcalde Luis Riera Posada.[4][5]
Para dar más relevancia a esta hermanancia fíxose la inauguración el 10 d'ochobre de 1987 d'una importante ronda de circunvalación de la urbe alemana, la Oviedo Ring, descubriendo una placa col nome na que se fai constar qu'Uviéu y Bochum son ciudaes hermaniaes dende 1980.[5]
D'otra miente, l'Ayuntamientu d'Uviéu inauguró la conocida como plaza Bochum, pequeña plaza en forma de triángulu rectángulu formáu peles cais Independencia, n'hipotenusa, y la fachada de la Escuela Técnica Cimera d'Inxenieros de Mines de la Universidá d'Uviéu, nel catetu mayor.[5]
En 1990, al celebrase'l décimu aniversariu d'esta hermanancia, l'Ayuntamientu de Bochum regaló a la ciudá d'Uviéu una gran campana que foi asitiada na Plaza del Fresno (depués treslladada a los xardinos de Llamaquique), na que na so parte baxa pue lleese: Campana de Bochum R.F.A.-ciudad hermana de Oviedo-cedida por el Ayuntamiento de Bochum con ocasión del X Aniversario de la hermandad entre las dos ciudades.- Fue descubierta por su Alcalde H. Eikelbeck - el cinco de setiembre de mil novecientos noventa. El cuerpu de la campana lleva grabada la inscripción darréu: Schütz Land und Leut und Haus + MARIA + breit den Mantel aus (María, protexe la tierra, la xente y el llar, estenderexe'l to mantu).[5]
En respuesta a esti xestu, n'agostu de 1991 la ciudá d'Uviéu regaló a la de Bochum un relieve de la Cruz de los Ánxeles que quedó puestu na escalera del Ayuntamientu de la ciudá alemana.[5]
Referencies
editar- ↑ «Copia archivada». Archiváu dende l'orixinal, el 11 d'agostu de 2014. Consultáu'l 16 d'agostu de 2014.
- ↑ «Archived copy». Archiváu dende l'orixinal, el 2014-07-17.
- ↑ http://www.turismoviedo.es/
- ↑ http://el.tesorodeoviedo.es/index.php?title=Plaza_Bochum
- ↑ 5,0 5,1 5,2 5,3 5,4 José Ramón Tejo. Las nuevas calles de Oviedo. Edición: Corondel S.L. Zuazua & Gil. Oviedo, 2005.
Enllaces esternos
editar
Wikimedia Commons acueye conteníu multimedia sobre Campana de Bochum.
Datos: Q17496263- Multimedia: Campana de Bochum, Oviedo
