Campethera punctuligera

Campethera punctuligera;
Estáu de caltenimientu
	; Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Piciformes
Familia:	Picidae
Xéneru:	Campethera
Especie:	C. punctuligera; (Wagler, 1827)
Consultes
	[editar datos en Wikidata]

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu.

Campethera punctuligera^[2] ye una especie d'ave piciforme de la familia Picidae que vive n'África Occidental y Central.

Descripción

El pito chiscáu mide unos 22 cm de llargu. Tien la forma típica de los picatueros, col plumaxe de les partes cimeres verdes chiscaes de pequeños llixos ablancazaos, sacante nel obispillo y la cola onde tien llistes clares. Los sos partes inferiores son amarellentaes con llixos escuros nos lladrales y el pechu. La so cabeza ye ablancazada coles mexelles y los cazu abuxaes, tamién con llixos escuros.

Como otros picatueros esta especie tien el picu rectu y apuntiao, una cola ríxida que-y apurre sofitu cuando ta nos tueros y pates zigodáctilos, con dos deos escontra alantre y dos escontra tras. Tien una llarga llingua qu'usa pa prindar inseutos.

Los machos adultos tienen bigoteras y el pileu coloraos. Les femes tienen la frente escura y la metá posterior del pileu colorada, escarecen de les bigoteras coloraes. Los xuveniles paécense a les femes, pero les partes verdes del so plumaxe son más escures.

Comportamientu

Como los demás carpinteros ye una especie insectívora. Ye un especialista en termites, y vése-y frecuentemente alredor de los termiteros.

La so llamada típica consiste nun wik-wik-wii-wii-yuu alto.

Añera en buecos nos árboles, con frecuencia les palmeres aceiteres, onde suelen poner dos o tres güevos blancos.

Distribución y hábitat

Habita nos montes y zones de carba principalmente d'África Occidental y Central, nuna franxa que s'estiende dende Senegal hasta Sudán del Sur.

Referencies

↑ BirdLife International (2012). «'Campethera punctuligera'» (inglés). Llista Roxa d'especies amenazaes de la UICN 2012.2. Consultáu'l 8 d'abril de 2013.
↑ Bernis, F; De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Séptima parte: Piciformes)». Ardeola. Handbook of the Birds of the World (Madrid: SEO/BirdLife) 49 (1): páxs. 121-125. ISSN 0570-7358. https://www.seo.org/wp-content/uploads/tmp/docs/vol_49_1_septimo.pdf.

Bibliografía

Barlow, Wacher y Disley. Birds of The Gambia, ISBN 1-873403-32-1

Enllaces esternos

datazone.birdlife.org/ Campethera punctuligera, (n'inglés).

[1] BirdLife International (2012). «'Campethera punctuligera'» (inglés). Llista Roxa d'especies amenazaes de la UICN 2012.2. Consultáu'l 8 d'abril de 2013.

[2] Bernis, F; De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Séptima parte: Piciformes)». Ardeola. Handbook of the Birds of the World (Madrid: SEO/BirdLife) 49 (1): páxs. 121-125. ISSN 0570-7358. https://www.seo.org/wp-content/uploads/tmp/docs/vol_49_1_septimo.pdf.

[1]

[2]

Campethera punctuligera

Estáu de caltenimientu
Esmolición menor (IUCN 3.1)^[1]
Clasificación científica
Reinu:	Animalia
Filu:	Chordata
Clas:	Aves
Orde:	Piciformes
Familia:	Picidae
Xéneru:	Campethera
Especie:	C. punctuligera (Wagler, 1827)
Consultes
[editar datos en Wikidata]