Carina Massone Negrone
La marquesa Carina Massone Negrone (20 de xunu de 1911, Bogliasco (es) 
– 19 de marzu de 1991, Bogliasco (es) ) foi una aviadora italiana. Considérase-y una de les primeres heroínes del cielu.[ensin referencies]
Carina Massone Negrone | |
|---|---|
 | |
| Vida | |
| Nacimientu |
Bogliasco (es) , 20 de xunu de 1911 |
| Nacionalidá |
 Reinu d'Italia (20 xunu 1911 - 18 xunu 1946) Italia (18 xunu 1946 - 19 marzu 1991) |
| Muerte |
Bogliasco (es) , 19 de marzu de 1991 (79 años) |
| Estudios | |
| Llingües falaes | italianu |
| Oficiu | pilotu de pruebes |
 | |
Biografía
editarCasada col marqués Ambrogio Negrone (col que tuvo un fíu, Vittorio), foi la primer italiana que llogró la so llicencia de pilotu de la Reale Unione Nazionale Aeronautica (RUNA) en 1933.
Una atleta peracabada (natación, esquí, tennis), ella prefería pilotear aeronaves, actividá qu'entós daquella yera principalmente practicada por homes, los supuestos intérpretes del dinamismu masculín promovíu pol futurismu y el fascismu.
Ella marcó'l so primer récor personal el 5 de mayu de 1934, volando con un hidroavión Clase C a una altitú de 5,544 metros. Dempués d'esti llogru y col sofitu del so amigu Italo Balbo, ella decidió bater el récor mundial d'altitú de 11.289 metros marcáu por Maryse Hilsz. Pa preparar, entrenóse como un pilotu de la Regia Aeronautica nel aeropuertu de Guidonia Montecelio.
El 20 de xunu de 1935, Carina desapegó dende la base aérea de Guidonia Montecelio a bordu d'un biplanu Caproni Ca.113 forníu con un motor Pegasus 1110, llevando consigo una chaqueta con calefacción y un balón d'osíxenu.
Por cuenta de la rarefacción del aire y les baxes temperatures a gran altitú (d'hasta -35°C), el so equipu médicu nun esperaba que pudiera volar percima de los 11.000 metros. Sicasí, a pesar del so estáu de baturiciu (qu'ella describió como euforia), pola so determinación algamó los 12.043 metros,[1] batiendo asina'l récor de Hilsz por 754 metros.
El so récor inda se mantiente pa la categoría d'aeronaves propulsadas por héliz.[2]
Ella marcó siete récores mundiales de vuelu adicionales, el postreru de los cualos foi'l 19 de xunu de 1954, volando 2.987 km dende Brescia a Luxor (Exiptu) en 13 hores y 34 minutos a una velocidá permediu de 299 km/h.
En 1951 participó nuna vuelta aérea d'Arxelia xunto a Ada Marchelli a bordu d'un monoplanu Macchi M.B.308. Tamién participó en delles competencies aeronaúticas internacionales y finalmente fundó una escuela de pilotos.
En 1996, los Poste italiane emitieron una estampilla conmemorativa nel so honor, que tenía un valor de 750 llires. Na so ciudá natal dedicóse una plaza a Carina Negrone.[3]
Ver tamién
editarReferencies
editar- ↑ Citáu en Centennialofflight.gov Archiváu 2012-10-07 en Wayback Machine
- ↑ Citáu en Gwdg.de
- ↑ Vease: Chieracostui.com
Bibliografía
editar- Massimo Zamorani, Nel cielu di Genova: due secoli di voli, Ecig, Genova 1986
- Massimo Zamorani, Vola Genova. Cento anni di volo, De Ferrari, Genova 1997 ISBN 8871721039
Enllaces esternos
editar- Aeroclub Genova - Approfondimento biograficoUsu incorreutu de la plantía enllaz rotu (enllaz rotu disponible n'Internet Archive; ver l'historial y la última versión). (n'italianu)
- Ctie.monash.edu.au Pioneros de l'aviación: una antoloxía (n'inglés)
Datos: Q958313
Multimedia: Carina Massone Negrone
