Carlo Giuliani
Carlo Giuliani (14 de marzu de 1978, Roma – 20 de xunetu de 2001, Xénova) yera un estudiante de 23 años, poeta y activista anarquista antiglobalización italianu, proveniente d'una familia burguesa (el so padre yera dirixente sindical). Foi asesináu nes manifestaciones antiglobalización contra'l cumal del G8 en Xénova.
Carlo Giuliani | |
|---|---|
.jpg) | |
| Vida | |
| Nacimientu | Roma, 14 de marzu de 1978[1] |
| Nacionalidá |
 Italia |
| Muerte | Xénova, 20 de xunetu de 2001[1] (23 años) |
| Causa de la muerte | mancada por arma de fueu |
| Asesín | Mario Placanica |
| Familia | |
| Madre | Haidi Giuliani |
| Estudios | |
| Llingües falaes | italianu |
| Oficiu | activista políticu |
 | |
Giuliani foi asesináu por bala nuna confrontación na que los carabinieros xiraben dende un jeep un gas lacrimóxeno a los manifestantes que-yos llanzaben piedres.
Carlo Giulani garrara un estintor y preparábase pa llanzalu al interior del jeep. Recibió una descarga de tiros cuando cargaba contra'l vehículu. El jeep maniobraba p'alloñase y la rueda trasera pasó dos veces perriba del cuerpu del rapaz.
Tolos cargos contra l'axente de policía qu'abrió fueu (Mario Placanica, 24 años) fueron abandonaos, la comisión d'investigación concluyó que la bala fatal que firiera a Giuliani fuera desviada de la so trayeutoria por una piedra.
Esta conclusión foi oxetu de munches crítiques, asina como la decisión de nun acusar al xofer del jeep sobre la base de que Giuliani yá taba muertu cuando'l jeep lu atropeya; yá que los médicos que llegaron al llugar de los fechos pa ocupase d'él manifestaron que'l so corazón tovía llatía.
Carlo Giuliani recibiera la orden de posar el so estintor, pero nun obedeció: foi cuando s'establez que Mario Placanica actuara en llexítima defensa; l'estintor podría españar nel interior del jeep.
Dellos elementos permanecen oscuros, Mario Placanica declaró qu'él fuera utilizáu pa «tapar la responsabilidá d'otros», ensin esplicar más.
Memoria editar
Anque un númberu incalculable de persones fueron feríos y continúen siéndolo demientres les manifestaciones a lo llargo del mundu, Carlo Giuliani ye consideráu como un mártir polos movimientos de resistencia a la mundialización.
El llugar onde foi feríu, la plaza Piazza Alimonda, foi de manera non oficial renomada piazza Carlo Giulani polos manifestantes que llevantaron un memorial con fotos, escritos y flores. Un comité piazza Carlo Giuliani creóse igualmente, pa informar sobre los fechos de xunetu de 2001, reafirmar el derechu a espresar idees y manifestase, y igualmente caltener iniciatives de solidaridá internacional.
Depués de la so muerte, Carlo Giuliani convirtióse nun símbolu pa los activistas antiglobalización. Exemplu d'ello son la Caravana Llibertaria Carlo Giuliani o la yá mencionada Piazza Carlo Giuliani. La repercusión de la so muerte espardióse fuera d'Italia; como exemplos, el grupu inglés anarco-punk Conflict escribió una canción na so memoria llamada Carlo Giuliani, el grupu madrilán Ska-P escribió la canción Solamente por pensar dedicada a Carlo (que depués sería editada y grabada n'italianu) y el grupu aragonés Azero dedicó-y la canción Sangre en la manifestación.
Referencies editar
- ↑ 1,0 1,1 Afirmao en: autoridaes BNF. Identificador BnF: 145668621. Apaez como: Carlo Giuliani. Autor: Biblioteca Nacional de Francia. Llingua de la obra o nome: francés.
Enllaces esternos editar
Wikimedia Commons acueye conteníu multimedia sobre Carlo Giuliani 
.- Secuencia fotográfica del crimen
- Páxina d'homenaxe, incluye fotografíes del asesinatu
- www.piazzacarlogiuliani.org
- Reportaxe n'español
- Fotografíes de les manifestaciones
- Portada del periódicu d'internet de la CNT, col asesinatu en primera plana
Datos: Q164791- Multimedia: Carlo Giuliani
