Carlos Muñiz
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Carlos Muñiz Menéndez (11 d'ochobre de 1964, Prevera) foi un ciclista profesional asturianu ente los años 1988 y 1990.
Carlos Muñiz | |
|---|---|
| Vida | |
| Nacimientu | Prevera, 11 d'ochobre de 1964 (60 años) |
| Nacionalidá |
 España |
| Estudios | |
| Llingües falaes | castellanu |
| Oficiu | deportista |
 | |
Biografía
editarEntamó los sos primeros pasos nel mundu del ciclismu nes files del C.C Avilesino, onde compitió en categoríes inferiores siguiendo una buena progresión. Otru equipu nel que militó foi'l potente Gaylo-Vanguard.
La so trayeutoria pel campu aficionáu foi mui buena, militando nes files del equipu Clas, unu de los equipos punteros del ciclismu aficionáu español nos años 80. Consiguió munches victories importantes como la Vuelta a Navarra y, dos trunfos na Vuelta a Asturies (años 85 y 87), arriendes de munches carreres d'un día, destacando siempre en monte. Magar que foi unu de los aficionaos españoles de más nivel, nunca foi convocáu pa la Seleición Española.
Teniendo varies ufiertes d'equipos profesionales, como Kelme o Zahor, decidióse a pasar a profesional en 1988 con tola estrucutura de Clas, que debutaba en profesionales con José Manuel Fuente, El Tarangu, de direutor deportivu.
Foi una de les revelaciones de la temporada al consiguir ser el primer neoprofesional de la Vuelta Ciclista a España, subiendo al podiu de Madrid col maillot azul de meyor xoven. En dicha Vuelta tuvo un gran comportamientu n'etapes de monte como la que finalizaba n'El Brañillín.
En 1989 baxó'l nivel, aunque tovía destacó en carreres como la Vuelta a Burgos.
Y en 1990 un positivu con cafeina y diferentes problemes físicos como una anemia que sufrió al final de la temporada, y discrepancies cola directiva del equipu (esi añu abandonaba El Tarangu la direición deportiva del mesmu y tomábala Juan Fernández) fizo que nun renovara'l contratu y puso fin a la so carrera profesional. Con él, otru corredor asturianu del Clas, Antonio Sampedro, abandonaba'l ciclismu profesional al imponer el nuevu direutor, Juan Fernández, una completa renovación del equipu.
Palmarés
editar1986
- Vuelta a Navarra (aficionaos)
Equipos
editarReferencies
editar
Datos: Q8264121
