Carmen Gómez Ojea

Carmen Gómez Ojea (11 d'ochobre de 1945, Xixón – 10 d'agostu de 2022) foi una escritora asturiana.

Carmen Gómez Ojea
Vida
Nacimientu	Xixón, 11 d'ochobre de 1945
Nacionalidá	España
Muerte	10 d'agostu de 2022 (76 años)
Estudios
Estudios	Universidá d'Uviéu
Llingües falaes	castellanu
Oficiu	escritora, poeta
Premios	ver Premio Nadal
Xéneru artísticu	poesía novela

Llicencióse en Filosofía y Lletres pola Universidá d'Uviéu. Vivía en Xixón y collaboraba en distintos diarios y revistes.

La so primer obra, Las manos inútiles (1966), foi finalista del Premiu Novela Curtia del Atenéu de Xixón. Siguirán-y los cuentos Relato para tres mares, col que va quedar en segundu puestu del concursu de la Casa del Mar de Cádiz (1975), y La trágica y grotesca historia de Enrique Mes (1976) col que ganó'l concursu d'El Apurro.

En 1976, escribió Los soliloquios de Olvido, col que quedó finalista del Premiu Barbastro. En 1981 cola novela Otras mujeres y Fabia ganó'l premiu Tigre Juan y al añu siguiente, en 1982 ganó'l premiu Nadal con Cantiga de Agüero. Años más tarde escribió Los perros de Hécate y La novela que Marien no terminó, cola que ganó'l Premiu Una Pallabra Otra. En 1982 foi designada asturiana del añu. Collabora col periódicu La Nueva España.

Foi-y concedida pola Corporación municipal xixonesa la Medaya de Plata de la Villa de Xixón en plenu estraordinariu celebráu'l 20 d'avientu de 2010.

Foi-y concedida'l 6 de setiembre de 2013 pol Conseyu del Gobiernu d'Asturies dio-y por unanimidá la medaya de plata d'Asturies en reconocencia a los sos méritos lliterarios y al compromisu que caltién na so obra y na so vida cola defensa de los derechos sociales y la llucha contra les desigualdaes; y pola so arrogancia al contribuyir cola promoción de la cultura y los valores democráticos nel Principáu d'Asturies.

Obres

• Pentecostés (1989)
• En la Penumbra de Cuaresma (1993)
• El diccionario de Carola (1996)
• La niña de plata (1993), cola que consiguió'l IV Premiu Ala Delta
• Más allá de los rosales (1998)
• El granate de amarilis (1998)
• Betsabé nunca duerme (1998)
• O camiño da Fraga (1999)
• No vuelvas a leer a Jane Eyre (1999)
• Nunca soñé contigo (2000)
• Los colores del mundo (2000)
• Palabras menores (2001)
• La verdad de los cuentos (2001)
• Cleopatra en un cuaderno (2001)
• El camino del bosque (2001)
• La canción de los meses (2003)
• El verano en que Iveta aprendió a bailar (2003)
• El ave que no sabe cantar (2003)
• A punta de navaja (2003)
• El cordón de oro (2004)
• Más allá de los rosales (2004)
• Hija de muerta (2004)
• La caxa los cuentos (2005)
• El vestido de novia y Rosmarina es un estorbo (2005)
• Ancila en los fuegos (2005)
• Bailaremos en el río (2005)
• Canta que te cantarás (2005)
• El mundo de bola andante (2006)
• Pantaleón, en todo como un león (2006)
• La y Lolo (2006)
• Haches mudas(2006)
• El cielo en la buhardilla (2007)
• Stevenson, tú y yo (2007)
• El último verano en Charenton (2008)
• La historia robada (2009)
• Lloramos en Gibraltar por Cadalso y Barceló (2020)

Premios

• 1975 Premiu Casa del Mar de Cádiz, por Prois de les alcordances.
• 1976 Premiu d'El Apurro, por La tráxica y grotesca hestoria d'Enrique Mes.
• 1981 Premiu Tigre Juan, por Otres muyeres y Fabia
• 1981 Premiu Nadal, por Cantiga d'Agüeru.
• 1988 Premiu de les Llibreríes de muyeres del Estáu, por La novela que Marien nun terminó.
• 1993 Premiu Ala Delta, por La neña de plata.
• 1993 Premiu de poesía Carmen Conde, por Na clarixa de Cuaresma.
• 1996 Premiu Edebé de Lliteratura Xuvenil, por El diccionariu de Carola.
• 2001 Accesít Premiu Lazarillo, por Fía de muerta.
• 2005 Premiu de la Crítica d'Asturies, por Vamos Baillar nel ríu.

Enllaces esternos

• Datos: Q5752545