Carreres en patinos

deporte

Les carreres en patinos de ruedes o patinaxe de velocidá en llinia ye una de les modalidaes de más rápidu desenvolvimientu nel patinaxe competitivu mundial, poles oportunidaes qu'ufre a los deportistes de superación, yá que ye un deporte que necesita una alta preparación física y mental; ye un deporte aeróbicu yá que rique de ritmos constantes d'osíxenu, al igual que requier una alta demanda anaeróbica, pola necesidá d'esplosión nun momentu dau nes pruebes curties. Nél combinase la fuercia, habilidá y resistencia. Los patinadores entrenen p'aguantar tol percorríu rodando lo más rápido posible, entamando estratexes que-yos lleven a cruciar la llinia de meta nel primer llugar.[1]

L'organismu rector de les carreres en patinos en ye la Federación Internacional de Patinaxe (en francés, Fédération Internationale de Roller Sports, conocida pol so acrónimu FIRS), onde tien el so propiu comité y presidente, que xestiona esta modalidá de patinaxe, denomináu Comité Internacional de Carreres (CIC). La competición internacional más prestixosa d'esti deporte ye'l Campeonatu del Mundu de Carreres en patinos, entamada cada añu por esi organismu. El primer campeón oficial foi Estaos Xuníos, en Roma 1992 y l'actual campeón ye Colombia. Dambos países son los que más títulos tienen ganao, con 9 pa Estaos Xuníos y 12 pa Colombia , depués de proclamase campeón na edición de 2014 del campeonatu desendolcada n'Arxentina.

Equipu del patinadorEditar

PatinosEditar

 
Patinos de competición.

Compuestos por una bota fabricada con cueru o un material asemeyáu na so parte cimera, y fibra de carbonu na parte inferior. Na bota afítase un xasis o plancha realizáu n'aluminiu d'alta calidá, que sirve de soporte a un númberu variable de ruedes (4 o 3 llegalmente) de diámetru variable (ente 80 y 110 mm llegalmente) fabricaes con poliuretanu. Demientres l'añu 2012 salieron al mercáu nueves planches fabricaes en carbonu, con un pesu considerablemente inferior a les fabricaes n'aluminiu.

Equipu de seguridáEditar

Tolos reglamentos mundiales obliguen a utilizar un cascu homologáu.

De forma opcional, pueden utilizase otres proteiciones como rodelleres, colderes y guantes especiales.

Paxellu de competiciónEditar

Realizáu en texíu que mengüe la resistencia al aire, como la Lycra, ye asemeyáu nel so aspeutu al utilizáu en ciclismu. Ye xeneralmente usáu el de tipu enterizu. Compuestu por Lycra-poliéster, con un pesu de 233 g/, resistencia snagging (std) 1.5, allargamientu a lo ancho 95 %, recuperación a lo ancho 99%, allargamientu a lo llargo 95 %, recuperación a lo llargo 98 %

Instalaciones pal patinaxeEditar

IndoorEditar

Estes competiciones son les que se realicen n'instalaciones deportives cubiertes con suelu de madera, non específiques pa les carreres en patinos, nes que se marca un óvalu d'unos 200 m de cuerda. Les marques consisten en cuatro conos de plásticu que los patinadores tienen d'arrodiar pela parte más alloñada del centru de la pista ensin movelos. Estos conos tán asitiaos de forma asimétrica: los dos que marquen la entrada de les curves tán asitiaos más cerca de los fondos de la instalación; ente que los dos conos que marquen la salida de les curves asítiense llixeramente más próximos al centru.

PistaEditar

Una pista pa patinaxe tien de tener dos rectes y dos curves iguales ente sigo, y el llargor de la so cuerda nun tendrá de ser menor de 125 m nin mayor de 400 m. La so superficie puede ser de resina especial, granitu pulíu, cementu pulíu, tremáu asfálticu o material asemeyáu.

Pa ser homologaes pa competiciones internacionales, les pistes construyíes a partir del 1 de xineru de 2003 tienen de tener un llargor de 200 m y un anchor de 6 m. Por cuenta de les diferencies ente pistes, cuantimás la seición y radios de les curves, la Federación Internacional de Patinaxe reguló en 2006 les dimensiones exautes de les pistes homologaes, tantu na so planta como nel alzáu, sumiendo les curves de seición parabólica. Esti tipu de pista ye obligatoria pa tolos Campeonatos Mundiales que vienen celebrándose dende l'añu 2010.

Circuitu zarráuEditar

Comúnmente llamáu ruta, faese sobro una pista pavimentada con más de dos curves, na que'l so anchor mínimo tien de ser de 6 m, y con una cuerda ente 400 y 1000 m de llargor. Pa celebrar campeonatos mundiales, la cuerda máxima ye de 600 m.

Circuitu abiertuEditar

Percorríu que se realiza ente dos puntos distintos, como pue ser una carrera en llinia ente dos ciudaes.

Tipos de competiciónEditar

Según la distanciaEditar

  • Pruebes contra reló: 200 y 300 m
  • Pruebes de curtia distancia: 500 m
  • Pruebes de mediu fondu:1.000, 1.500, 2.000 y 3.000 m
  • Pruebes de fondu: 4.000, 5.000, 10.000, 15.000 y 20.000 m
  • Pruebes de gran fondu: 42 km maratón (circuitu abiertu)

Según les condicionesEditar

Carreres por puntosEditar

Faese un sprint cada ciertu númberu de vueltes (que depende del númberu de participantes), el vencedor recibe dos puntos ya'l segundu un puntu. Nel sprint de la última vuelta, los trés primeros clasificaos reciben 3, 2 y 1 puntu respeutivamente. Si un corredor retírase o ye elimináu enantes del final de la prueba, pierde los puntos acumulaos. El vencedor ye'l corredor que consigue atropar mayor cantidá de puntos. La cantidá de puntos recibíos nos sprints intermedios y final sufrió variaciones a lo llargo de los años; les mentaes puntuaciones tán a valir a partir de la temporada 2007.

Carreres d'eliminaciónEditar

Cada ciertu númberu de vueltes, en función de la cantidá de participantes na prueba, elimínase'l postreru o los postreros corredores en pasar pola meta. A falta de 3 vueltes pal final, tien de quedar na pista un númberu predetermináu de corredores (ente 5 y 10) que van facer el sprint final, clasificándose pol orde de llegada a meta.

Carreres combinaesEditar

En cada sprint señaláu produzse la puntuación de 2 ó 3 corredores y la eliminación del postreru. Nesti tipu de carrera, tamién puede alternase la puntuación y la eliminación en vueltes distintes.

Gana la carrera quién tenga mayor cantidá de puntos y nun resultara elimináu.

Carreres por equiposEditar

Los patinadores compiten formando equipos d'un númberu predetermináu de corredores, de normal trés. El tiempu del equipu correspuende al del segundu patinador que traviesa la meta, nun siendo obligatorio que tolos componentes del equipu rematen la prueba. De la mesma, les carreres por equipos pueden ser:

  • D'eliminación: realícense series clasificadores de dos equipos que salen al empar dende llugares opuestos del percorríu, resultando elimináu el que más tiempu tarde en cubrir la distancia dada. Vence l'equipu que gana la serie final.
  • Contra reló: cada equipu realiza'l percorríu en solitariu. Vence l'equipu que menos tiempu tarda en realizar el percorríu

Carreres de relevos a l'americanaEditar

Ye una carrera por equipos na cuál namái un miembru de cada equipu ta corriendo al tiempu. El relevu realízase obligatoriamente nuna zona llendada del circuitu o pista, per aciu un contautu ente'l patinador que releva y el releváu. Polo xeneral, nun ta especificada la distancia que percuerre cada miembru del equipu, sacantes que tolos sos miembros tienen de realizar siquier una vuelta.

Carrera contra reló individualEditar

Cada patinador sale asitiando unu de los sos patinos ente dos llinies paraleles separaes 0,5 metros ente sigo, ensin que los patinos tean en movimientu. Vence'l que menor tiempu tarde pa realizar el percorríu.

CompeticionesEditar

MaratonesEditar

Les carreres de maratones son de 42 km de distancia. Tolos corredores salen xuntos ya'l primeru a cruciar la llinia de meta ye'l ganador. N'Europa y Asia una organización llamada World Inline Cup entama la serie más importante de maratones del planeta. L'italianu Massimiliano Presti ganó la serie por 6 vegaes, y los 4 últimos años consecutivos.[2]

Ultra MaratonesEditar

Les carreres de ultramaratones son carreres que tienen 100 km o más al igual que les maratones tolos competidores parten coles mesmes, el ganador ye'l primeru en cruciar la llinia de meta. Les ultra maratones más famoses son:

  • The New York City Skate Marathon & NY 100K (los 100 km de Nueva York) En 2008 llánzase la so edición númberu 17, teniendo incentivos de carrera, como lo son la competencia de rei de monte, el rei del sprint, y el campeón Xuvenil (menor de 18) toes estes dientro de la mesma carrera de los 100K pa la categoría de los profesionales.[3]
  • Athens To Atlanta Road Marathon (140 km), más comúnmente llamada A2A, ye una de les carreres más vieyes de los Estaos Xuníos na so 27 añu ye una de les carreres más dures pa los competidores, faese'n carreteres abiertes, con ayuda de la policía llocal, empieza na ciudá d'Athens y termina na popular ciudá d'Atlanta, GA. (onde se celebraron los Xuegos Olímpicos en 1996) Numberoses estrelles del patinaxe de velocidá participaron nesta carrera como Tristan Loy, Juan Carlos Betancourt, Eddy Matzger, Luis Carlos Mejía (Col) ente otros.[4]

Situación olímpicaEditar

El patinaxe sobre ruedes ye unu de los deportes reconocíos pol Comité Olímpicu Internacional. Sicasí, na xunta del Comité Executivu del COI del 8 de xunetu de 2005 en Singapur nun consiguió la mayoría de 2/3 de votos riquida pa ser almitíu como deporte olímpicu.

Mientres el Campeonatu Mundial que se celebró en Xixón en setiembre de 2008, una delegación del COI tuvo reparando'l desenvolvimientu del mesmu pa evaluar la so inclusión como deporte olímpico pal añu 2016. La xunta decisoria celebróse'n Copenḥague n'ochobre de 2009, onde nuevamente quedó fora de les olimpiaes. Entiéndese que ye un deporte onde hai una marcada hexemonía nel medayeru que se partió a lo llargo de los 23 campeonatos celebraos incluyíu'l del añu 2014 y qu'amuesa el dominiu que nesti deporte marquen Colombia y EEXX, faciendo que los demas paises qu'alderiquen dientro del COI entiendan que les sos posibilidaes de trunfu dientro d'una olimpiada son bien remotes y por tantu vean poco afechisco programar el desenvolvimientu d'un campeonatu de patinaxe dientro de les olimpiaes.

Ver tamiénEditar

ReferenciesEditar

  1. {{cita web|títulu=Carauterístiques fisiológicas del patinador de velocidad sobre ruedas|url=http://www.efdeportes.com/efd94/patin.htm%7Cfechaaccesu>
  2. «Serie Mundial De Marathones FIRS World Inline Cup (WIC)». world-inline-cup.com (27 d'ochobre de 2010).
  3. «Los 100 Kilómetros de Nueva York». skatemarathon.com (27 d'ochobre de 2010).
  4. «A2A». a2a.net (27 d'ochobre de 2010).

Enllaces esternosEditar

  • PatinEnLinea Comunidá Patinadora más grande d'Arxentina
  • Formigueros Club de Patinaxe Formigueros F.N.R. de Colombia
  • Club de patinaxe Sobre8Ruedes Clases de patinaxe de Sobre8Ruedes en Madrid
  • Club Unión Los Condes Club Patín Carrera Unión Los Condes
  • PatinCarrera.com: Portal Internacional de Noticies de Patinaxe de Velocidá
  • FIRS: Federación Internacional de Patinaxe
  • CERS: Confederación Europea de Patinaxe
  • CPRS: Confederación Panamericana de Patinaxe
  • RFEP: Real Federación Española de Patinaxe
  • CAP: Confederación Arxentina de Patín
  • FCP: Federación Colombiana de Patinaxe
  • FMPR: Federación Mexicana de Patinos sobre Ruedes, A. C.
  • USARS: U.S.A. Roller Sports
  • WIC: Copa del mundu de patinaxe en llinia
  • Patín Carrera Power Wheels Club de patinaxe Power Wheels CHILE
  • Club de Patín Carrera Ruedes de #Fuego Chile Club de patinaxe Ruedes de #Fuego CHILE
  • @www.rollersport.es : Club Rollersport - Club de Patinaxe de Velocidá de Tarragona, España.
  • @http://www.tarracopatina.net : Asociación TarracoPAtina - Seición de patinaxe de velocidá en Tarragona, España.
  • ARISF: Asociación de Federaciones Deportives reconocíes pol C.O.I.
  • Club de #Patinaje San Ramón de Curicó: Paqina del Club de #Patinaje San Ramón de Curicó
  • A.PRO. PA. Asociación Provincial de Patín de Jujuy, Arxentina.
  • CAP Confederación Arxentina de Patín d'Arxentina.
  • Club Deportivo Tequendama:Escuela de formación y Club d'Altu rendimientu en Bogotá COLOMBIA
  • @www.patinpanteras.com: Club de Patinaxe LES PANTERES de Barrancabermeja, Santander COLOMBIA
  • @www.patines.info
  • Mundu Patín: Web Española Sobre Patinaxe De Velocidá
  • : web de la Lliga de Patinaxe de Bogotá
  • : web del patinador colombianu Jorge Enrique Botero
  • : web de la Lliga de Patinaxe de Santander
  • : web de la Lliga Vallecaucana de Patinaxe
  • @www.patincolombia.com : El Portal del Patinaxe Colombianu
  • APB:APB Associació de Patinadors de Barcelona