Abrir el menú principal

Colombia

estáu d'América del Sur

Colombia[1], oficialmente República de Colombia, ye un país asitiáu na fastera noroccidental d'América del Sur, lo que la fai poseedora de costes nos océanos Atlánticu (mar Caribe), Pacíficu y el ríu Amazones.

República de Colombia
Bandera de Colombia Escudu de Colombia
Bandera de Colombia Escudu de Colombia
Lema nacional: Llibertá y Orde
Himnu nacional: Himno Nacional de Colombia
Situación de Colombia
Capital
 • Población
 • Coordenaes
Bogotá
6.776.009 (2008)
4º39' N 74º3'W

Ciudá más poblada Bogotá
Llingües oficiales Castellanu. Les llingües de los grupos étnicos son tamién oficiales nos sos territorios.
Forma de gobiernu República democrática
Iván Duque Márquez
Independencia
 • Declarada
 • Reconocida
d'España
20 de xunetu de 1810
19 d'agostu de 1819
Superficie
 • Total
Puestu 25º
1.141.748 km²
Población
 • Total
Puestu º
46.044.601 (2011 proy.)
PIB (PPA)
 • Total (2010 (est.))
 • PIB per capita
Puestu º
US$ 289.433 millones
US$ 6.359
Moneda Pesu colombianu ($, COP)
Xentiliciu Colombianu, -a, -o
Zona horaria UTC-5
Dominiu d'Internet .co
Códigu telefónicu +57
Prefixu radiófonicu
Códigu ISO COL / CO
Miembru de: CSN, ONX, OEA, CAN
Sitiu web del Gobiernu:

{{{web_gobiernu}}}

Llenda con Venezuela al este, Brasil al sudeste, Perú y Ecuador al sur, y Panamá al Oeste.

Política y gobiernu[2]Editar

Organización políticaEditar

La Constitución colombiana, aprobada'l 5 de xunetu de 1991, define al país como un Estáu social de derechu organizáu como una república xunitaria, descentralizada, con autonomía de los sos territorios, democrática, participativa y pluralista.

El poder executivu correspuénde-y al presidente de la república. Esti ye elexíu por sufraxu direutu pa un mandatu de cuatro años, y puede presentase a la reeleición namái una vez na so vida. El presidente ye'l xefe del estáu, xefe del gobiernu y comandante en xefe de les Fuercies Armaes.

El poder llexislativu ta nes manes del Congresu, una institución bicameral compuesta pol Senáu y la Cámara de Representantes. Los sos miembros, 102 senadores y 165 representantes, son elexíos cada cuatro años.

No que cinca al poder xudicial, los sos muérganos cimeros son: la Corte Constitucional; el Conseyu d'Estáu, que fai les veces de tribunal contencioso-alministrativu; la Corte Suprema de Xusticia, que ye'l tribunal de casación y tamién l'únicu que puede xulgar a los cargos públicos aforaos; y el Conseyu Superior de la Xudicatura.

GobiernuEditar

El presidente del país ye, dende'l 7 d'agostu del 2018, Iván Duque Márquez. La so vicepresidente ye Marta Lucía Ramírez. El presidente de la Cámara de Representantes ye Alejandro Carlos Chacón, y el del Senáu Ernesto Macías Tovar.

Partíos políticos y sindicatosEditar

Los principales partíos políticos del país son:

  • Partíu Lliberal (PL). El so presidente ye César Gaviria Trujillo.
  • Partíu Comunista de Colombia (PCC). El so secretariu xeneral ye Jaime Caycedo.
  • Partíu Conservador Colombianu (PC). El so presidente ye Efraín Cepeda Sarabia.
  • Polu Democráticu Alternativu (PDA). La so presidenta ye Jaime Dussán.
  • Partíu Social d'Unidá Nacional (Partido de la U). El so direutor ye Juan Lozano.
  • Partíu Verde.
  • Partíu Colombia Humana.

No que cinca a los sindicatos, los más representativos son:

  • Central Unitaria de Trabayadores (CUT), presidida por Tarsicio Mora.
  • Confederación Xeneral del Trabayu (CGT), que'l so secretariu xeneral ye Julio Roberto Gómez.
  • Unión Sindical Obrera (USO), presidida por César Loza.
  • Federación Nacional de Trabayadores al Serviciu de l'Estáu (Fenaltrase), presidida por Roberto Chamucero.

HistoriaEditar

XeografíaEditar

Demografía[3]Editar

La población del país ye, según la proyeición pal añu 2011 del Departamento Administrativo Nacional de Estadística, de 46.044.601 habitantes. No que cinca a la so adscripción étnica, según el censu de 2005 nel país había un 10,6% d'afrocolombianos, un 3,4% d'indíxenes amerindios y un 0,01% de rom. Esi censu nun da adscripción étnica denguna al 85,94% sobrante de la población.

Les principales ciudaes del país, según la citada proyeición, son:

Ciudá Población
Santafé de Bogotá 7.467.804
Medellín 2.368.282
Cali 2.269.653
Barranquilla 1.193.667
Cartagena de Indias 955.709

ReferenciesEditar

  1. Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.
  2. Los datos recoyíos nesti apartáu tán sacaos del Anuario Iberoamericano 2012 del Real Instituto Elcano y l'Axencia Efe. Disponible en http://www.anuarioiberoamericano.es/
  3. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/

Enllaces esternosEditar