Catacumbes de Kom el Shogafa

Les catacumbes de Kom el Shogafa tán asitiaes na cai Bab el Molouk, nel barriu Karmouz d'Alexandría (Exiptu). Les sos decoraciones en baxorrelieve amuesen un amiestu ente les formes artístiques exipcies y greco-romanes, y ta consideráu como unu de los xacimientos arqueolóxicos más importantes de la ciudá.

Catacumbes de Kom el Shogafa
tumba (es) , xacimientu arqueolóxicu y catacumbas (es)
Llocalización
País	Exiptu
Gobernaciones	gobernación d'Alexandría
Asentamiento portuario (es)	Alexandría
Coordenaes	31°11′13″N 29°54′17″E
Catacumbes de Kom el Shogafa Catacumbes de Kom el Shogafa (Exiptu)
Historia y usu
Apertura	sieglu II
Díes d'apertura	tolos díes de la selmana
Web oficial

Esti conxuntu de catacumbes, dataes nel sieglu I y principios del II, dómina de dominación romana, foi afayáu en 1892. Llamaes tamién Catacumbes d'Alexandría, reciben el nome pola semeyanza del so diseñu coles catacumbes cristianes de Roma. Paez probable que fora n'orixe una tumba privada, convertida dempués en campusantu públicu.

Descripción

Dende'l so descubrimientu los dos niveles inferiores taben somorguiaos, tres el descensu del nivel de l'agua en 1995 namái queda somorguiáu'l más baxu.

Entiende trés niveles, con numberosos pasaxes, antepar, antecámara, cámara funeraria y nichos escavaos na roca. Tres la entrada hai una escalera circular, en que les sos parés hai abertures pa dexar el pasu de la lluz. Embaxo hai un antepar con dos nichos que da pasu a una sala circular, en que'l so centru hai una rotonda con pilastres. A la izquierda hai una cámara con cuatro pilares. Al fondu de la sala circular hai otra pequeña cámara con dos estatues. La entrada a la cámara mortuoria ta decorada con temes griegues, como Atenea o Aguamala, y nel so interior hai trés grandes nichos cada unu con un sarcófagu de piedra. La cámara ta decorada con dioses exipcios, Anubis y Tot, y el so techu sofítase sobre cuatro columnes.

Ye una de les últimes muestres de decoración del Antiguu Exiptu, anque bien influyida pol arte griegu.

Enllaces esternos

• Catacumbes de Kom el Shogafa: imáxenes.
• The Royal Cemetery of Kom El-shouqafa.

• Datos: Q2671839
• Multimedia: Kom el-Shoqafa