Catalina de Saxonia-Lauenburgu
Catalina de Saxonia-Lauenburgo (24 de setiembre de 1513 (greg.), Ratzeburg – 23 de setiembre de 1535 (greg.), Estocolmu). Reina consorte de Suecia de 1531 hasta la so muerte; primer esposa de Gustavo I de Suecia. Yera fía del duque Magnus I de Saxonia-Lauemburgo y de Catalina de Brunswick-Wolfenbüttel, y hermana de Dorotea de Saxonia-Lauenburgo, reina de Dinamarca.
Catalina de Saxonia-Lauenburgu | |||
|---|---|---|---|
 | |||
| |||
| Vida | |||
| Nacimientu | Ratzeburg, 24 de setiembre de 1513 (greg.)[1] | ||
| Nacionalidá |
 Suecia [2] | ||
| Muerte | Estocolmu, 23 de setiembre de 1535 (greg.)[1] (21 años) | ||
| Sepultura | Catedral d'Uppsala[3] | ||
| Familia | |||
| Padre | Magnus I de Saxonia-Lauenburgu | ||
| Madre | Catalina de Brunswick-Wolfenbüttel, duquesa de Sajonia-Lauenburg | ||
| Casada con |
Gustavo I (es)  (1531 (Gregorianu) – 1535)[4] | ||
| Fíos/es |
Erico XIV (es) | ||
| Hermanos/es | |||
| Pueblu |
House of Ascania (Saxony-Lauenburg branch) (en) | ||
| Oficiu | reina | ||
 | |||
Biografía
editarCatalina yera una noble con educación protestante. Al cumplir 18 años el 24 de setiembre de 1531, casó col rei de Suecia Gustavo I. Col matrimoniu, Gustavo quería xunir la so descendencia cola antigua dinastía Folkung, de la que Catalina baxaba al traviés de la so güela materna. Amás, el rei pretendía venceyase colos príncipes del norte d'Alemaña. Los deseos de Gustavo viéronse cumplíos cuando en 1533 la reina dio a lluz a un fíu varón, Erico. Sicasí, el matrimoniu sería desafortunáu y llenu de conflictos.
La lliteratura sueca antigua ye pocu benévola con Catalina. Según testos cercanos a la dómina, la reina yera caprichosa, fría y distante col so home, amás de sentir apatía per Suecia. Según dellos testos, cuando'l príncipe Cristián de Dinamarca —cuñáu de Catalina— visitó la corte sueca, Catalina comentó-y que Gustavo entamaba asesinalo.
Poco tiempu dempués, nun baille n'Estocolmu en 1535, cuando la reina atopábase embarazada per segunda ocasión, sintióse tan mal que tuvo que permanecer en cama los díes siguientes. Por cuenta de los entueyos nel embaranzu, la reina morrió antes de dar a lluz, un día antes de cumplir 22 años. Foi soterrada'l 1 d'ochobre de 1535 na catedral d'Estocolmu, pero los sos restos fueron treslladaos el 21 d'avientu de 1560 a la catedral de Upsala, xunto a los de Gustavo Vasa y los de la segunda esposa d'este, Margarita Eriksdotter, onde se llevantaría un campanudu monumentu.
Dalgunos argumentaron que'l mesmu Gustavo contribuyó a la so muerte cutiéndola na cabeza con un cayáu, pero les investigaciones del craniu de Catalina nun paecen sofitar esa hipótesis.
Familia
editarCasada con Gustavo I de Suecia en 1531, tuvo un únicu fíu:
| Predecesor: Sabela d'Austria |
Reina consorte de Suecia 1531-1535 |
Socesor: Margarita Eriksdotter |
Referencies
editar- ↑ 1,0 1,1 «Katarina» (suecu). Diccionario Biográfico Sueco.
- ↑ «LIBRIS». Biblioteca Nacional de Suecia (15 xineru 2013). Consultáu'l 24 agostu 2018.
- ↑ Afirmao en: Find a Grave. Data de consulta: 30 xunu 2024. Llingua de la obra o nome: inglés.
- ↑ Identificador de persona en The Peerage: p11313.htm#i113123. Data de consulta: 7 agostu 2020.
Enllaces esternos
editar
Wikimedia Commons acueye conteníu multimedia sobre Catalina de Saxonia-Lauenburgu.- «Catalina de Saxonia-Lauenburgu». en Find a Grave. (n'inglés)
Datos: Q236774- Multimedia: Catherine of Saxe-Lauenburg, Queen of Sweden
