Wikipedia

Caterina Cornaro

Caterina Cornaro (25 de payares de 1454, Venecia – 10 de xunetu de 1510, Venecia), noble veneciana, que llegó a ser Reina de Xipre de Xerusalén y d'Armenia.

Caterina Cornaro
monarca

Vida
Nacimientu Venecia, 25 de payares de 1454
Nacionalidá Bandera de la República de Venecia República de Venecia
Residencia Asolo (es) Traducir
Muerte Venecia, 10 de xunetu de 1510 (55 años)
Sepultura ilesia de San Salvador
Familia
Padre Marco Cornaro
Madre Fiorenza Crispo
Casada con Jacobo II de Chipre (es) Traducir [1]
Fíos/es
Hermanos/es Giorgio Cornaro (es) Traducir
Familia
Pueblu familia Cornaro (es) Traducir
Oficiu reina
Cambiar los datos en Wikidata

Familia editar

Catalina yera fía de Nobile Huomo Marco Cornaro (Venecia, avientu, 1406 - Venecia, 1 d'agostu de 1479), Cavaliere del Sacro Romano Impero (Caballeru del Sacru Imperiu Romanu) y Patrizio Veneto (Patriciu de Venecia), pola so esposa Fiorenza Encrespo. El so padre yera'l bisnietu de Marco Cornaro, dux de Venecia dende'l 1365 hasta'l 1368.[3] Yera la hermana menor del Nobil Huomo Giorgio Cornaro (1452 - 31 de xunetu de 1527), Padre della Patria y Caballeru de la Sacru Imperiu Romanu.[4] La familia Cornaro produciera cuatro Doges. La so familia tenía rellaciones llargues con Xipre, especialmente con respeutu al comerciu. Nel área d'Episkopi, nel distritu de Limassol, la familia Cornaro alministró dellos inxenios azucreros y esportó productos xipriotes a Venecia.[5][6][7]

Caterina foi pintada por Durero, Ticianu, Bellini y Giorgione.[8]

Reina consorte editar

En 1468, Xacobu II de Xipre, tamién conocíu como ‘'Xacobu'l bastardu, conviértese en rei de Xipre. Y escoyó Caterina como la so esposa y reina consorte del Reinu de Xipre a Caterina qu'entós daquella tenía 14 años y taba educándose nun conventu. La eleición del rei foi del gustu de la República de Venecia, yá que d'ehí p'alantre podía asegurar los derechos comerciales y otros privilexos de Venecia en Xipre. Casó por poderes en Venecia'l 30 de xunetu de 1468 cuando tenía 14 años. Finalmente zarpó a Xipre en payares de 1472 y casó con Xacobu en persona en Famagusta.[9]

Reináu editar

El rei Xacobu II morrió en xunetu de 1473, pocos meses dempués del casoriu por cuenta d'una enfermedá repentina y, acordies cola so voluntá, Caterina, que nesi momentu taba embaranzada[10], actuó como rexente. Convirtióse en monarca cuando'l so fíu pequeñu Xacobu morrió n'agostu de 1474 enantes del so primer cumpleaños, probablemente por enfermedá inclusive si se rumoreaba que fuera envelenáu por Venecia o polos partidarios de Carlota.[11]

Xacobu nomara un conseyu de siete miembros, nel que taba'l venecianu Andrea Cornaro, tíu de la reina, según Marin Rizzo y Giovanni Fabrice, axentes del Reinu de Nápoles, que s'opunxeron a la influyencia veneciana.[12] La reina Caterina dio a lluz un fíu, Xacobu III n'agostu de 1473, actuando como padrinos l'almirante Mocenigo y otros funcionarios.[13] Nun intentu de llendar la influyencia de los venecianos sobre la reina conspiranron acusando al tíu de Catalina y los sos amigos d'envelenar al rei.

En partiendo la flota veneciana, na nueche del 13 de payares de 1473 ,hubo una revuelta pro fuercies napolitanes, qu'acabó cola muerte del tíu de la reina y del so primu.[14][15] L'arzobispu de Nicosia, Xuan Tafures, conde de Trípoli, el conde de Jaffa, y Marin Rizzo tomaron Famagusta, prindando a la reina y al rei naciellu.

Barbaro y Baillo Pasqualigo taben protexíos polos soldaos venecianos qu'acompañaren a Barbaro. Los conspiradores fixeron dellos intentos pa persuadir a Barbaro de que los soldaos entregaren les armes. El condestable de Xipre unvió a un axente, ente que'l conde de Trípoli, l'arzobispu de Nicosia, y el condestable de Xerusalén realizaron visites personales. Dempués de consultar con Baillo Pasqualigo, decidieron desarmar a los homes, pero caltener les armes. Barbaro alertó a los capitanes de les galeres venecianes nel puertu.[16] Barbaro tamién unvió despachos al Senáu de Venecia, alvirtiéndo-yos de los fechos.[17] Más llueu, Barbaro y les tropes venecianes retiráronse a una de les galeres.[18]

Nel momentu que l'almirante Mocenigo tornó pa Xipre, los rebeldes taben engarrándose ente ellos y el pueblu de Nicosia y Famagusta llevantóse escontra ellos.Error de cita: Falta </ref> pa la etiqueta <ref> El Senáu de Venecia autorizó a los soldaos y militares qu'acompañaren a Barbaro pa permanecer en Xipre.[19]

En febreru de 1489, n'afayándose otra conxura, el gobiernu venecianu persuadió a Caterina de dexar los sos derechos como gobernante de Xipre al dux de Venecia -y por estensión al gobiernu venecianu nel so conxuntu- yá que nun tenía herederu.[20] Según George Boustronios , "el 15 de febreru de 1489, la reina salió de Nicosia pa marcha a Famagusta y dexar Xipre. Y cuando xubió al caballu con una capa de seda negro, con toles dames y los caballeros na so compañía [...] Los sos güeyos, amás, nun cesaron d'arramar llárimes mientres tola procesión. La xente tamién arramó munches llárimes ".[21] Y el 14 de marzu de 1489 foi obligada a abdicar y vender l'alministración del país a la República de Venecia.[22]

El reinu tornara hai enforma tiempu, y fuera un estáu tributariu de los mamelucos dende'l 1426. Baxo Caterina, que gobernó Xipre dende'l 1474 hasta'l 1489, el control per parte los mercaderes venecianos foi aumentando hasta qu'a la fin hubo de ser controlada direutamente.

Vida posterior editar

L'últimu estáu cruzáu convirtióse nuna colonia de Venecia, y como compensación, a Caterina dexóse-y caltener el títulu de Reina y fíxose-y Señora d'Asolo, un condáu nel Terraferma[23] de la República de Venecia na rexón del Vénetu, en 1489 Asolo ganó una reputación como corte de distinción lliteraria y artística, principalmente a resultes de ser l'escenariu ficticiu de los diálogos platónicos sobre l'amor de Pietro Bembo, Gli Asolani. Caterina morrió en Venecia nel 1510.[24]

  •  
    La so tumba.
  •  
    El so monumentu aciagu.

Óperes editar

A la figura de Caterina Cornaro dedicóse-y una ópera, La Reine de Chypre de Fromental Halévy, con llibretu de Jules-Henri Vernoy de Saint-Georges, estrenada en París el 22 d'avientu de 1841. Sobre'l mesmu llibretu de Saint-Georges basóse la versión de Giacomo Sacchero pa la obra Caterina Cornaro de Gaetano Donizetti, puesta n'escena nel San Carlo de Nápoles el 18 de xineru de 1844.

Lliteratura editar

Baxo'l títulu "La Reina de Xipre", Marian Izaguirre escribió unu de los sos meyores cuentos. Nél, la protagonista, una escritora actual, alcuéntrase ensin sabelo falando con Caterina Cornaro que la convida a una esposición del propiu Gentile Bellini. La obra constitúi un emotivu y preciosu rellatu sobre la inesistencia del tiempu.

Referencies editar

  1. ↑ Identificador de persona en The Peerage: p22037.htm#i220370. Data de consulta: 7 agostu 2020.
  2. ↑ Afirmao en: The Peerage. Llingua de la obra o nome: inglés. Autor: Darryl Lundy.
  3. ↑ «Profile of Marco Cornaro and his children» (xunetu de 2012). Consultáu'l 16 d'avientu de 2011.
  4. ↑ Geneagraphie - Families all over the world
  5. ↑ Venice: The Hinge of Europe, 1081-1797, p. 76. William H. McNeill
  6. ↑ Civilization and Capitalism, 15th-18th Century: The wheels of commerce p. 192. Fernand Braudel
  7. ↑ Sweet Invention: A History of Dessert. Michael Krondl
  8. ↑ Queen Caterina Cornaro by Giorgione &91;Giorgio Barbarella&93;
  9. ↑ Sir Harry Luke, The Kingdom of Cyprus, 1369—1489 in K. M. Setton, H. W. Hazard (ed.) A History of the Crusades, The fourteenth and fifteenth centuries (1975), p.388
  10. ↑ Venetian studies, Horatio Forbes Brown, Londres, K. Paul, Trench & Co, 1887, páx. 310 [1].
  11. ↑ Sir Harry Luke, The Kingdom of Cyprus, 1369—1489 in K. M. Setton, H. W. Hazard (ed.) A History of the Crusades, The fourteenth and fifteenth centuries (1975), p.389
  12. ↑ Venetian studies, Horatio Forbes Brown, Londres, K. Paul, Trench & Co, 1887, páx. 311 [2]
  13. ↑ Venetian studies, Horatio Forbes Brown, Londres, K. Paul, Trench & Co, 1887, páx. 312 [3]
  14. ↑ Venetian studies, Horatio Forbes Brown, Londres, K. Paul, Trench & Co, 1887, páx. 377 [4]
  15. ↑ Venetian studies, Horatio Forbes Brown, Londres, K. Paul, Trench & Co, 1887, páx. 312 [5]
  16. ↑ A history of Cyprus, Volume 3, Sir George Francis Hill, Cambridge University Press, 1952, páx. 674 [6]
  17. ↑ Venetian studies, Horatio Forbes Brown, Londres, K. Paul, Trench & Co, 1887, páx. 313 [7]
  18. ↑ A history of Cyprus, Volume 3, Sir George Francis Hill, Cambridge University Press, 1952, páx. 682 [8]
  19. ↑ A history of Cyprus, Volume 3, Sir George Francis Hill, Cambridge University Press, 1952, páx. 662 [9]
  20. ↑ "CORNARO, CATERINA", "Women in the Middle Ages" Greendwoods Press 2004, p. 221
  21. ↑ Philippe Trélat, "Urbanization and urban identity in Nicosia 13th-16th. Centuries", in "Proceedings of the 10th Annual Meeting of Young Researchers in Cypriot Archaeology", Venice, 2010, p.152
  22. ↑ ABC-CLIO: Chronology of world history. ISBN 978-1-57607-155-7. Consultáu'l 13 de marzu de 2011.
  23. ↑ The mainland territories of the Republic of Venice were referred to as the Terraferma in the Veneto dialect. Source:Logan, Oliver Culture and Society in Venice, 1470-1790; the Renaissance and its heritage, Batsford 1972
  24. ↑ Churchill, Lady Randolph Spencer; Davenport, Cyril James Humphries (1900) John Lane: The Anglo-Saxon Review. Consultáu'l 13 de marzu de 2013.


Predecesor:
Xacobu III 		Reina de Xipre
1474 - 1489
  		Socesor:
fin de reinu de Xipre

.


Sacáu de «https://ast.wikipedia.org/w/index.php?title=Caterina_Cornaro&oldid=4069791»