Catharina van Hemessen
Catharina van Hemessen (1528 (greg.), Amberes – sieglu de XVI, Amberes) foi una pintora flamenca, fía de Jan Sanders van Hemessen. Especializada en semeyes, destaca'l so propiu Autorretratu ante'l caballete fecháu en 1548 (Basilea, Kunstmuseum Basel y San Petersburgu, Muséu del Ermitage), el primer autorretratu femenín conocíu.[4]
Catharina van Hemessen | |
|---|---|
 | |
| Vida | |
| Nacimientu | Amberes[1], 1528 (greg.)[2] |
| Nacionalidá |
 Países Baxos de los Habsburgu |
| Muerte | Amberes[3], sieglu de XVI |
| Familia | |
| Padre | Jan Sanders van Hemessen |
| Estudios | |
| Llingües falaes | neerlandés |
| Oficiu | pintora, artista |
| Llugares de trabayu | Amberes |
| Trabayos destacaos |
Retrato de una mujer (es)  Autorretrato (Caterina van Hemmessen) (es) |
| Miembru de |
Gremio de Amberes de San Lucas (es) |
| Movimientu | Renacimientu |
| Xéneru artísticu | semeya |
 | |
Biografía y obra
editarFormada probablemente col so padre, goció de la proteición de María d'Hungría, hermana del emperador Carlos V y gobernadora de los Países Baxos. En 1554 casóse con Christian de Morien, organista de la catedral d'Amberes, siendo posible qu'abandonara la pintura a partir d'esti momentu, pos nun se conocen pintures roblaes posteriores a esta fecha. N'arrenunciando María al gobiernu de los Países Baxos, en 1556, los maríos viaxaron cola so corte a España. En 1558 morrió la gobernadora en Cigales (Valladolid) dexando a Catharina un arrogante pagu según Ludovico Guicciardini, que la menta como destacada artista y entá viva na so Descrittione (…) di tutti i Paesi Bassi (1566).
De Catharina conócense roblaos delles semeyes de pequeñes dimensiones, na so mayor parte femeninos y sobre fondu neutru, fechaos ente 1548, como'l so propiu autorretratu o la semeya d'una muyer nueva tocando'l virxinal (Colonia (Alemaña), Wallraf-Richartz Museum), robláu «Caterina de Hemessen Pingebat 1548. Aetatis Suae 22», y 1552, añu en qu'apaez fecháu la semeya d'un home de Londres, The National Gallery, robláu en capitales «catharina. filla / ioannis de hemes / sen pingebat /.1552.»[5]
Podría tener dalguna participación nel llamáu retablu de Tendilla (Cincinnati Art Museum), procedente del escastáu monesteriu jerónimo de Santa Ana de la citada villa alcarreña, atribuyíu por Max J. Friedländer a Jan Sanders van Hemessen. Los escudos llabraos en madera a lo cimero del retablu correspuenden a los Arellano y los Sotomayor, emparentaos los primeres colos Mendoza, patronos d'una capiya nel monesteriu.[6] Obra del taller, na que s'estrema más d'una mano, el retablu pudo ser pintáu hacia 1550 y con Catharina rellacionáronse les pintures del cuerpu central y la predela.[7]
Referencies
editar- ↑ Afirmao en: Union List of Artist Names. Identificador ULAN: 500005647. Data d'espublización: 2 payares 2017. Data de consulta: 11 ochobre 2018. Llingua de la obra o nome: inglés.
- ↑ Afirmao en: Art UK. Identificador Art UK: catharina-van-hemessen. Data de consulta: 13 ochobre 2015.
- ↑ Afirmao en: Union List of Artist Names. Identificador ULAN: 500005647. Data d'espublización: 2 payares 2017. Data de consulta: 25 ochobre 2018. Llingua de la obra o nome: inglés.
- ↑ Ficha de la obra en Kunstmusuem Basel.
- ↑ Portrait of a man, ficha de la obra en The National Gallery.
- ↑ García de Paz, p. 66.
- ↑ García de Paz, pp. 66-67.
Bibliografía
editar- García de Paz, José Luis, Patrimoniu desapaecíu de Guadalaxara: una guía pa conocelo y remembralo, AACHE Ediciones de Guadalaxara, 2003, ISBN 8496236056
Enllaces esternos
editar
Wikimedia Commons acueye conteníu multimedia sobre Catharina van Hemessen.
Datos: Q269445- Multimedia: Catharina van Hemessen
