Cayena

(Redirixío dende Cayenne)

Cayena (en francés: Cayenne) ye una ciudá francesa n'América, capital del departamentu d'ultramar de Guyana Francesa y del distritu del mesmu nome. Ta asitiada na mariña del océanu Atlánticu, nel llugar que d'antiguu yera una islla na desaguada del ríu Cayena.

Cayena
Q2906171 Traducir
Alministración
PaísBandera de Francia Francia
Departamentu Guyana Francesa
Distritu Distritu de Cayena
Cantón Cantón de Cayena-Centro (es) Traducir
Tipu d'entidá comuña de Francia
Alcaldesa de Cayena Sandra Trochimara
Nome oficial Cayenne (fr)[1]
Nome llocal Cayenne (fr)
Códigu postal 97300
Xeografía
Coordenaes 4°56′19″N 52°20′06″W / 4.9386°N 52.335°O / 4.9386; -52.335
Cayena alcuéntrase en Guyana Francesa
Cayena
Cayena
Cayena (Guyana Francesa)
Superficie 23.6 km²
Altitú 143 m
Llenda con Macouria, Matoury y Remire-Montjoly
Demografía
Población 63 468 hab. (1r xineru 2021)
- 28 267 homes (2017)

- 33 001 muyeres (2017)
Porcentaxe 100% de Cantón de Cayena-Centro (es) Traducir
100% de Distritu de Cayena
22.14% de Guyana Francesa
0.09% de Francia
Densidá 2689,32 hab/km²
Más información
Fundación 1664
Estaya horaria UTC−03:00
Llocalidaes hermaniaes Salvador
ville-cayenne.fr
Cambiar los datos en Wikidata

La ciudá tien 57.229 habitantes según el censu de 2011. La ciudá cuenta colos servicios del Aeropuertu de Cayena-Rochambeau, asitiáu na comuña vecina de Matoury, que puede considerase un suburbiu de Cayena, sicasí ésta nun taba incluyida nel área urbana de Cayena según el INSEE de 1999. Incluyendo Matoury, la conurbación ye de 100.323 habitantes en 2006.

Historia editar

 
Escudu de la ciudá.

La rexón foi inorada polos esploradores españoles por cuenta de qu'éstos alcontrábanla demasiáu templada pa ser colonizada, polo que la zona nun foi ocupada por europeos hasta 1604 cuando Francia fundó un asentamientu, La Ravardière. Sicasí, l'asentamientu foi destruyíu polos portugueses en virtú de los alcuerdos del Tratáu de Tordesillas. Los franceses volvieron en 1643 cuando fundaron la ciudá de Cayena, qu'abandonaron tres los ataques d'indíxenes, y foi ocupada polos Países Baxos ente 1654 y 1664. En 1664, Francia llogró finalmente establecer con ésitu un asentamientu permanente en Cayena, pero en 1667 volvió a manes de los holandeses. La ciudá camudó de manes de cutio ente los Países Baxos, Francia y el Reinu Xuníu hasta que yá nel sieglu XVIII pasaría definitivamente a manes franceses. Tres la emancipación de los esclavos, la ciudá foi escoyida como allugamientu pa una colonia penal na cercana islla del Diañu, que se caltuvo dende 1848 hasta 1946.

La población de la ciudá creció rápido, sobremanera por cuenta de los altos niveles d'emigración dende les Antilles y Brasil, xuníu a una alta natalidá.

Economía editar

La so economía básase na producción de ron y el cultivu y procesáu de la caña d'azucre, según nes esportaciones llevaes a cabu nel so ámbitu portuariu de Dégrad des Cannes, principalmente oru, cueru, especies y madera. Tamién ye un importante centru na cría de camarones.

Cultura editar

Cayena cuenta con una gran variedá étnica. Na ciudá conviven criollos, haitianos, brasilanos, peruanos, europeos, y diverses comunidaes asiátiques como los miao. La ciudá ye famosa pol so antroxu, que da empiezu cola llegada de Vaval (el rei del antroxu) el primer domingu dempués del Día d'Añu Nuevu, y continua tolos fines de selmana con bailles d'amarutes nocherniegos y desfiles los domingos pela tarde hasta'l día anterior al miércoles de ceniza o Mardi Gras.

Referencies editar

  1. «code officiel géographique». Consultáu'l 6 xineru 2019.

Enllaces esternos editar