Central nuclear Santa María de Garoña
La central nuclear Santa María de Garoña ye una central nuclear de xeneración llétrica del tipu BWR que tien una potencia instalada de 460 MW. Ye la central nuclear n'activu más antigua d'España. Asitiada en Santa María de Garoña (Burgos, España) foi inaugurada en 1970. La vida útil primeramente prevista pa la central (40 años nes centrales españoles), remata l'añu 2011. La última autorización de funcionamientu tenía'l so algame hasta xunetu de 2009, fecha na cual el gobiernu autorizó una prórroga fasta'l 2013.2 Esi añu Nuclenor, la empresa propietaria, presentó la documentación necesaria pa solicitar la estensión de la so vida útil 10 años más (2019). El 5 de xunu de 2009 l'organismu regulador español (el CSN) envaloró afecha l'autorización de dicha estensión de la vida útil basándose en cuestiones téuniques de seguridá. Esta estensión, sicasí, ten de ser emitida pol Ministeriu d'Industria d'España, siendo imprescindible (pero non venceyante) l'informe favorable del CSN.
| Central nuclear Santa María de Garoña | |
|---|---|
| Central nuclear | |
.jpg) | |
| Llocalización | |
| País |  España |
| Autonomía |  Castiella y Lleón |
| Provincia |  provincia de Burgos |
| Conceyu | Valle de Tobalina |
| Coordenaes | 42°46′30″N 3°12′30″W / 42.775°N 3.2083°O |
  Central nuclear Santa María de Garoña Central nuclear Santa María de Garoña (España) | |
| Historia y usu | |
| Apertura | 1966 |
| Dueñu | Nuclenor |
| Xestión | Nuclenor |
 | |
Ente otres cuestiones que tienen de ser encetaes lo más llueu pol Gobiernu alcuéntrase la situación de la so piscina de combustible, la cual va algamar la so máxima capacidá, col diseñu actual, hacia l'añu 2015. Esta situación ye hermana n'otres centrales nucleares españoles, ensin que'l Gobiernu estableciera plazos nin escoyíu ente l'abanicu de soluciones téuniques al problema.
Construcción
editarLa central alcuéntrase nel conceyu de Valle de Tobalina, nel pueblu de Santa María de Garoña. Ta construyida al par de un meandro del Ebro, del que toma agua pa la refrigeración. Les ciudaes más allegaes son Miranda de Ebro (32 km), Medina de Pomar (38 km), Villarcayo (43 km), Vitoria (64 km), Haro (71 km), Burgos (91 km), Bilbao (96 km), Laredo (106 km), Llodio (108 km), Reinosa (108 km) y Logroño (112 km). Dende 2006, tres el zarru de la central nuclear de Zorita, ye la central nuclear más antigua d'España.
Nel 1966 entamaron les obres, que remataron n'ochobre de 1970 cola autorización de puesta en marcha baxu la direición de Don Joaquín Cervera Cervera, doctor inxenieru industrial. El 2 de marzu de 1971 acóplase la central a la rede llétrica española.
El so diseñu correspuende al de centrales de primer xeneración, anteriores al accidente nuclear de Three Mile Island. El reactor, del tipu BWR-3 (BWR correspuende a Boiling Water Reactor -reactor d'agua en ebullición-) utiliza uraniu arriquecíu pa la xeneración de calor. Esti calor alza la temperatura de l'agua, que fierve, se vaporiza y mueve les trés turbinas xeneradores d'electricidá. Esti reactor foi diseñáu y suministráu pola empresa estauxunidense General Electric.
Producción enerxética
editarNel 2003, la central de Garoña produció 3.739 millones de kWh, con un factor de carga del 91,59%, lo que supón el meyor resultáu históricu de la central nun añu con posa de recarga. Esta cifra equival al 50% del consumu llétricu de la comunidá de Castiella y Lleón.
Mientres 2005, la central xeneró 3.680,38 millones de kWh, con un factor de carga superior al 90%. Fasta abril de 2006 tuvo una producción de 108.291.071 MWh.
Xestión
editarEl 2 de marzu de 1957, Iberduero y Electra de Viesgo crearon Centrales Nucleares del Norte, S.A., Nuclenor, coles mires de construyir la central nuclear de Santa María de Garoña. Esta Sociedá cuntaba con un capital inicial de 5 millones de pesetes, suscritu al 50% por dambes empreses matrices.
Anguaño, de resultes de los movimientos accionariales que se producieron nel sector llétricu español nes últimes décades, la empresa Nuclenor ye propiedá d'Iberdrola y Endesa al 50%.
Zarru y desmatelamientu
editarEn xunetu de 2009 y por orde ministerial, el gobiernu aplazó cuatro años (hasta'l 5 de xunetu de 2013) el zarru y esmantelamientu de la central. Esto provocó'l descontentu d'organizaciones antinucleares y ecoloxistes y de la empresa propietaria. Anunciáronse recursos a esta decisión per parte de representantes de dambos sectores.
Propuesta d'anovación de llicencia
editarEl Conseyu de Seguridá Nuclear informó al Ministeriu d'Industria'l día 5 de xunu de 2009 (el cabu so vida útil prevista primeramente afitárase pal añu 2011 y l'anovación de la so llicencia en 2009) que la central cumple los requisitos de seguridá establecíos pola normativa internacional, tando esti organismu acordies cola so continuidá, indicando una serie de condiciones, mientres 10 años más a partir del día de l'anovación de l'autorización d'esplotación.
El Comité d'empresa de la Central según los pueblos de la contorna de Garoña abogen pola anovación de la llicencia una y bones de lo contrario van perdese, según la empresa, unos 1000 puestos de trabayu -315 direutos y unos 700 indireutos-. La mayoría de los trabayadores son de Miranda de Ebro y la contorna de les Merindades d'onde procede'l 90% del so personal y onde la crisis económica afectó fondamente.
Propuestes de zarru definitivu
editarAsociaciones antinucleares y ecoloxistes criticaron reiteradamente la so supuesta inseguranza, pidiendo'l so zarru inmediatu, por cuenta d'estremaes razones: la central alcuéntrase próxima a importantes ciudaes como Bilbao, Burgos, Vitoria o Logroño, la so inversión ta amortizada y la so aportación enerxética ye prescindible y ta más que compensada pola aportación de les energias anovables.1
Estos sectores tamién consideren que la decisión d'aplazamientu del zarru per cuatro años incumple el compromisu eleutoral recoyíu nel programa del PSOE de 2008 onde s'afirma: Vamos caltener el compromisu de sustitución gradual de la enerxía nuclear por enerxíes segures, llimpies y menos costoses, cerrando les centrales nucleares de forma ordenada nel tiempu a la fin de la so vida útil, dando prioridá a la garantía de seguridá y col máximu consensu social, potenciando l'aforru y l'eficiencia enerxética y les enerxíes anovables, la xeneración distribuyida y les redes de tresporte y distribución local.
El Parllamentu Vascu, en sesión de 12 de xunu de 2009 aprueba una iniciativa, propuesta por Eusko Alkartasuna (EA), y sofitada pol Partíu Socialista d'Euskadi (PSE), Ezker Batua-Berdeak (EB) y Partíu Nacionalista Vascu (PNV) y el votu en contra del Partíu Popular (PP) y Unión Progreso y Democracia (UPyD), pola qu'encamienta al Gobiernu al so zarru definitivu y la so oposición a la prórroga de la llicencia d'esplotación de la central que expira el 5 de xunetu de 2009.
Referencies
editarEnllaces esternos
editar- Sitiu web oficial
- La central de Garoña Archiváu 2010-08-12 en Wayback Machine en foronuclear.org
- Información sobre Garoña Archiváu 2006-04-27 en Wayback Machine na web del Consejo de Seguridad Nuclear
- Garoña nel sitiu web de Greenpeace Archiváu 2010-01-12 en Wayback Machine
- Web de la iniciativa ciudadana pol zarru de Garoña Archiváu 2007-09-30 en Wayback Machine
Datos: Q1695264
Multimedia: Garoña Nuclear Power Plant
