Chevy Chase

Cornelius Crane Chase (8 d'ochobre de 1943, Lower Manhattan), más conocíu como Chevy Chase, ye un actor, guionista, comediante, actor de voz, presentador de televisión y actor de televisión d'Estaos Xuníos.

Chevy Chase
Vida
Nacimientu	Lower Manhattan, 8 d'ochobre de 1943 (81 años)
Nacionalidá	Estaos Xuníos
Residencia	Bedford
Llingua materna	inglés
Familia
Padre	Ned Chase
Madre	Cathaline Parker Widdoes
Familia	ver Lawrence Widdoes (en) (padrastru)
Estudios
Estudios	Bard College (es) Haverford College (es) PS 6 (es) Riverdale Country School (es) Stockbridge School (en) Dalton School (en)
Llingües falaes	inglés
Oficiu	actor, guionista, comediante, actor de voz, presentador de televisión, cantante, actor de televisión
Altor	1,92 m
Premios	ver Premios Primetime Emmy Premios Emmy Estrella del Paséu de la Fama de Hollywood premiu Emmy Primetime al meyor guión d'una serie de variedaes  (1976) : Saturday Night Live
Nominaciones	ver premiu Emmy Primetime al meyor guión d'una serie de variedaes (1977): Saturday Night Live Globu d'Oru al meyor actor - musical o comedia (1978): Foul Play (es) Globu d'Oru a la nueva estrella del añu – Actor (1978)
Miembru de	Writers Guild of America, East (en)
IMDb	nm0000331

Biografía

Chevy saltó a la fama como'l guionista principal y miembru del equipu orixinal del revolucionariu show nocherniegu Saturday Night Live (SNL), pol que ganó dos premios Emmy. La serie dio a conocer a Chevy a nivel nacional y llanzólu al ésitu na so carrera cinematográfica. Dende'l so feliz debú en SNL, Chevy intervieno en delles de les comedies más populares de fines del sieglu XX, incluyendo Caddyshack, Fletch y National Lampoon's Vacation.

Chevy empezó la so carrera nel mundu de la comedia como guionista y actor pa Channel One, una revista de variedaes underground de Nueva York que satirizaba la televisión. Channel One convertiríase más tarde na base de la so primer película The Groove Tube.

Chevy tamién escribió y protagonizó la serie The Great American Dream Machine, y co-escribió y protagonizó Lemmings, el musical satíricu del off-Broadway que facía parodia de Woodstock y la cultura pop de los años 60. Coles mesmes, escribió y actuó pa la National Lampoon Radio Hour y collaboró na revista MAD. Escribió para Lily Tomlin, los hermanos Smothers y ganó un Writers Guild of America Award por escribir Alan King's Energy Crisis, Rising Prices and Assorted Vices. En televisión, ganó un tercer Emmy por co-escribir The Paul Simon Special.

Como actor, Chevy protagonizó la película Snow Day, 22 años dempués del so primer papel protagonista xunto a Goldie Hawn na comedia Foul Play.

Otres películes nes que participó inclúin títulos como National Lampoon's Vacation, National Lampoon's European Vacation, National Lampoon's Vegas Vacation, National Lampoon's Christmas Vacation, Fletch, Fletch Lives, Caddyshack, Seems Like Old Times, Funny Farm, Spies Like Us, Three Amigos!, Memoirs of an Invisible Man, Cops & Robbersons, Man of the House y Nothing but Trouble.

Nos años 1980, Chevy acomuñó col so bon amigu Paul Simon en dos videos musicales: You Can Call Me Al y Proof. Chevy tamién apaeció como convidáu n'Orange County, Dirty Work (1998), Hero (1992), LA Story (1991) de Steve Martin, y nel cameo que fizo en 1993 na película Last Action Hero. En 1992 foi nomáu "home del añu" pol Hasty Pudding Theatrical Group de la Universidá de Harvard, el grupu teatral universitariu más antiguu del país.

Apaeció fugazmente nos últimos dos capítulos de la segunda temporada de la comedia Chuck interpretando a un malváu enemigu del protagonista, haciendo una parodia ente Steve Jobs y Bill Gates.

Foi asonsañáu en The Simpsons nel programa superespectacular por Troy McClure que recordaba "y cinco selmanes con Chevy Chase".

Foi unu de los personaxes principales de la serie Community ente 2009 y 2014, onde interpretó a Pierce, un home maduru, que nunca se graduó, casáu y divorciáu con 7 muyeres que s'inscribió na universidá en busca de compañía y popularidá, pero de cutiu, y non intencionalmente, ye racista y torpe. Abandonó la serie tres dellos conflictos col creador de la serie Dan Harmon.

Nel añu 2018, Donald Glover dixo a The New Yorker que Chase fizo comentarios racistes sobro él nel plató de Community. Chase alegó qu'una vegada dixo-y a Glover que "la xente cree que yes graciosu porque yes negru."

Vida personal

Casóse con Susan Hewitt na ciudá de Nueva York el 23 de febreru de 1973 pero divorciáronse'l 1 de febreru de 1976. El so segundu matrimoniu, con Jacqueline Carlin, formalizóse'l 4 d'avientu de 1976 y tamién terminó en divorciu'l 14 de payares de 1980. Casóse una tercer vegada, con Jayni Luke, el 19 de xunu de 1982.

En 1986, foi almitíu na Betty Ford Clinic pa un tratamientu pa una adicción a los analxésicos. En setiembre del añu 2016 entró na Clínica Hazelden pa recibir tratamientu pol so alcoholismu.

Filmografía

• The Very Excellent Mr. Dundee (2020)
• Panda vs. Aliens (2019)
• The Last Laugh (2019)
• The Last Movie Star (2017)
• Vacation (2015)
• Hot Tub Time Machine (2010)
• Community (2009)
• Chuck (2009)
• Zoom (2006)
• The Magic Roundabout (2006)
• Funny Money (2006)
• Ellie Parker (2005)
• Orange County (2002)
• Vacuums (2002)
• Snow Day (2000)
• National Lampoon's Vegas Vacation (1997)
• Man of the House (1994)
• Cops and Robbersons (1994)
• Last Action Hero (1993)
• Héroe per accidente (1992)
• Memoirs of an Invisible Man (1992)
• El gran llíu (1991)
• L.A. Story (1991)
• National Lampoon's Christmas Vacation (1989)
• Fletch Lives (1989)
• The Couch Trip (1988)
• Funny Farm (1988)
• Three Amigos! (1986)
• Fletch (1985)
• Spies Like Us (1985)
• National Lampoon's European Vacation (1985)
• Deal of the Century (1983)
• National Lampoon's Vacation (1983)
• Seems like Old Times (1980)
• Caddyshack (1980)
• Foul Play (1978)

Referencies

• Datos: Q310926
• Multimedia: Chevy Chase