Chiqui de la Fuente
José Luis de la Fuente, Chiqui, foi un dibuxante d'historietes. Nació en Santander en 1933 y morrió en Madrid el 12 de setiembre de 1992. A les poques selmanes del so nacimientu yá foi a vivir a Xixón, onde pasará la so neñez. Ye hermanu d'otros dos destacaos dibuxantes de cómic: Ramón y Víctor.
Chiqui de la Fuente | |
|---|---|
| Vida | |
| Nacimientu | Santander[1], 1933[2] |
| Nacionalidá |
 España |
| Muerte | Madrid[3], 12 de setiembre de 1992[2] (58/59 años) |
| Estudios | |
| Llingües falaes | castellanu[4] |
| Oficiu | editor, historietista |
 | |
A los quince años emigró a Arxentina col so hermanu Ramón, y foi ellí onde entamó a collaborar coles sos historietes na revista Cocodrilo. Nel añu 1958 regresó a España trabayando como portadista pa les revistes de la Editorial Dólar: El hombre enmascarado y Flash Gordon. Tamién pa esta editorial dibuxó delles historietes del oeste dientro de la so coleición Rangers. Recreando les sos vivencies n'Arxentina fairá Pampa, asina como Curro Peláez. En 1971 entama a trabayar en Trinca, lo que supuso'l so reconocimientu nacional con series como Héctor y Óliver. Durante esti periodu tamién publicó trabayos nel suplementu del diariu Pueblo, con Marzy y los piratas y Abracadabra. El blincu a la fama internacional vino-y cola adautación en 1973 de les Aventures del Barón de Munchausen, de la que se llegó a facer una serie de dibuxos animaos. Igualmente adaptó una buena riestra de cuentos y leyendes famoses: Una canción de navidá, El lazarillo de Tormes, Príncipe y Mendigu, Moby Dyck, Hansel y Gretel... La so versión d'El Quixote supuso-y tamién un importante reconocimientu dando-y una visión personal que fai que dellos críticos comparen estes ilustraciones coles de los grandes artístes clásicos que lu precedieron nesta xera.
En plena Transición fundó la revista erótica Muerde que posteriormente tendría que piesllar por esixencies administratives, asoleyando sólo 24 númberos.
Ente los gallardones recibíos por Chiqui destaquen el Premiu Nacional de Prensa Infantil y Xuvenil que-y concedió'l Ministeriu de Cultura en 1975 y el Haxtur al Autor que amamos de 1990 del XIV Salón Internacional del Cómic del Principáu d'Asturies.
El so dibuxu pue considerase, no fundamental, como realista, con bien de toques del humorísticu y caricaturescu.
Otra de les aportaciones de Chiqui de la Fuente al mundu del cómic foi la so llucha polos derechos d'autor, llegando a entamar pleitos con delles empreses editoriales qu'empleaben los sos trabayos ensin permisu y ensin paga-y nenguna retribución por ellos.
Referencies
editar- ↑ Afirmao en: Gemeinsame Normdatei. Data de consulta: 18 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Identificador GND: 1027362966. Data de consulta: 16 ochobre 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 1r xineru 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: autoridaes BNF. Identificador BnF: 119037115. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
Enllaces esternos
editar
Datos: Q1074639
