Víctor de la Fuente
Pedro Víctor de la Fuente Sánchez (12 d'abril de 1927, Ardisana – 2 de xunetu de 2010, Le Mesnil-Saint-Denis)[5] foi un dibuxante y guionista d'historietes asturianu. Yera hermanu d'otros dos dibuxantes de cómic: Ramón de la Fuente y Chiqui de la Fuente.
Víctor de la Fuente | |
|---|---|
| Vida | |
| Nacimientu | Ardisana[1], 12 d'abril de 1927[2] |
| Nacionalidá |
 España [1] |
| Muerte | Le Mesnil-Saint-Denis[3], 2 de xunetu de 2010[2] (83 años) |
| Sepultura | Le Mesnil-Saint-Denis |
| Estudios | |
| Llingües falaes | castellanu[4] |
| Oficiu |
dibujante (es)  , historietista |
| Premios |
ver
|
 | |
Entamó a trabayar nel mundu de la historieta nos años cuarenta, dientro del estudiu gráficu de López Rubio, collaborando en Flechas y Pelayos, Maravillas y Chicos.
Lo mesmo que los sos hermanos, tamién conoció la emigración a América, nestí casu vivió en Chile, onde trabayó nuna axencia de publicidá. Nesti país collaboró cola Editorial Zig-Zag y ente los años 1944 y 1945 dirixó la revista El Peneca.
Nel añu 1959 tornó a Europa y entamó a collaborar con delles editoriales ingleses.
En 1967 conoció al guionista Víctor Mora col qu'entamaría a collaborar al añu siguiente, trabayando nel western Sunday. Más tarde, nes páxines de la revista Trinca, dio-y vida a Haxtur, un guerreru condergáu a vagar pel espaciu y el tiempu (una reproducción d'esti personaxe ye la estatuina que los organizadores del Salón Internacional de Cómic del Principáu d'Asturies, que se celebra añalmente en Xixón, entreguen a los ganadores de les estremaes categoríes de los llamaos Premios Haxtur).
A la vista del panorama editorial qu'existía n'España decidió treslladase a París onde continuó trabayando nun buen númberu de series.
Dientro de la so producción atopamos otros western (Amargo, Mortimer, Poney Durango y Los Gringos) y rellatos de fantasía heróica. Nel añu 1985, tamién con guión de Víctor Mora dibuxó la serie La Siberiana.
Mantuvo una importante rellación cola historieta asturiana siendo unu de los artistes que veníen davezu al Salón Internacional del Cómic del Principáu d'Asturies, participando en charres y faciendo dibuxos pa los aficionaos que se dan cita en Xixón a lo llargo de les xornaes de duración del Salón.
Los sos últimos esfuercios dedicólos a la serie Tex y a un álbum con Alejandro Jodorowsky tituláu Aliot (1995) enantes d'entamar a sufrir una llarga enfermedá.
Nel XXIV Salón Internacional del Cómic de Barcelona celebráu en 2006 diéron-y el Gran Premiu del Salón.
Referencies
editar- ↑ 1,0 1,1 Afirmao en: Diccionario biográfico español. Identificador DBE: 86199/pedro-victor-de-la-fuente-sanchez. Data de consulta: 11 payares 2022. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ 2,0 2,1 Afirmao en: Lambiek Comiclopedia. Identificador Lambiek Comiclopedia: d/delafuente. Apaez como: Victor De La Fuente. Data de consulta: 9 ochobre 2017. Editorial: Lambiek. Llingua de la obra o nome: inglés. Data d'espublización: 1r payares 1999.
- ↑ Afirmao en: autoridaes BNF. Identificador BnF: 11903712h. Data de consulta: 11 payares 2022. Autor: Biblioteca Nacional de Francia. Llingua de la obra o nome: francés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Agencia EFE (02/07/2010). Fallece el dibujante de cómic Víctor de la Fuente.
Enllaces esternos
editar
Datos: Q2166694
