Cimavilla

Barriu de la ciudá asturiana de Xixón

Cimavilla ye un barriu de Xixón (Asturies) allugáu na entornadiella sur del Cerru de Santa Catalina, o de L'Atalaya. Constitúi la parte más antigua de la ciudá, pues esisten esquicios arqueolóxicos pertenecientes a la dómina del Imperiu romanu, n'especial les Termes.

Panorama de Cimavilla
L'Elogio del Horizonte.

El so allugamientu nun cerru amuriáu, que fincaba aislláu al xubir la marea, fexo de Cimavilla una plaza fuerte de cierta importancia, hasta la so destruición demientres la guerra ente Pedru I y Enrique II.

La costruición d'un puertu comercial nel fondeaderu asitiáu al oeste dende entamos del sieglu XVI, tresforma'l barriu en llugar de residencia de marineros y causa la'enanchamientu la ciudá escontra'l sur. Anguaño, les sos viviende foren rehabilitaes na so mayor parte y, una vegada tresformáu'l puertu vieyu en puerto deportivu, tornárase nun barriu residencial, comercial y d'ociu.

La parte alta del mentáu Cerru de Santa Catalina ye güei un parque coronáu pola escultura Elogio del Horizonte, obra de l'escultor Eduardo Chillida.

Enllaces esternosEditar