El cinabriu o bermeyón (pol so color), tamién conocíu como cinabarita, ye un mineral de la clase de los sulfuros. Ta compuestu nun 85 % por mercuriu y 15 % d'azufre. Na so simetría y calteres ópticos presenta una paecencia notable col cuarzu. Como'l cuarzu, exhibe una polarización circular, y Alfred Des Cloizeaux demostró que tien quince veces el poder rotativo del cuarzu. La so fórmula química ye HgS (sulfuru de mercuriu).

CinabriuFicha de mineral
Cinnabar.jpg
Xeneral
Categoría especie mineral (es) Traducir[1]
Subclase de cinnabar mineral group (en) Traducir y minerales sulfuros (es) Traducir
Fórmula química HgS
Epónimu Cinabrio (persa)
Propiedaes físiques
Durez de Mohs 2,3
Densidá absoluta 8,1 g/cm³
Clasificación
Nickel-Strunz 8ª ed. II/C.18[2]
Nickel-Strunz 9ª ed. 2.CD.15a[3]
Nickel-Strunz 10ª ed. 2.CD.15a[2]
Dana 2.8.14.1[3]
Cambiar los datos en Wikidata
Cinabriu.

AplicacionesEditar

Amás de ser una fonte importante de mercuriu, tamién s'utiliza en presea científica, aparatos llétricos, ortodoncia, etc.

Na antigüedá foi utilizáu pa caltener güesos humanos y en pintures rupestres (como les descubiertes cerca de Almadén). Seique siguiendo esa tradición como preservador de güesos, los alquimistas utilizaron el cinabriu pa preparar un mestranzu que, suponíen, aseguraba la llonxevidá anque más probablemente producía envelenamientu per mercuriu. En medicina china denomínase metafóricamente cinabriu a la enerxía sexual o enerxía de vida, recibida de los padres nel momentu de la concepción y que se va escosando a lo llargo de la vida.

Na Edá Media utilizose p'allumar manuscritos. Otru de los usos foi como colorante pal lacre, que ye un sólidu (amiestu compuestu principalmente por cera d'abeyes), argayadizu y de puntu de fusión baxu pa sellar les cartes o documentos de la realeza.

Na actualidá los científicos estudien el ennegrecimiento de los frescos de la Villa de los misterios en Pompeya, por cuenta de la reacción d'esti compuestu.

XacimientosEditar

Puede atopase en tolos llugares que producen el mercuriu, especialmente n'Almadén, Ḷḷena (Asturies) y Prioro (Llión), n'España; Nuevu Almadén (California), Idrija (Eslovenia), Landsberg, cerca de Ober-Moschel nel Palatináu, Ripa, al pie de los Alpes, Apuan (Toscana), los montes Respuende por (Serbia), la Rexón Huancavelica (Perú), La Virginia Quindio Colombia, Sierra Gorda en Querétaro (Méxicu) y la provincia de Kweichow en China, d'onde fueron llograos bien finos cristales.

 
Un espectacular cristal de cinabriu, sobre dolomita.

BibliografíaEditar

  • Martín-Gil, J; Martín-Gil, FJ; Delibes-de-Castro, G; Zapatero-Magdaleno, P; Sarabia-Herrero, FJ (1995). The first known use of vermillion. Cellular and Molecular Life Sciences, 51(8): 759-761.

ReferenciesEditar

  1. Afirmao en: The IMA List of Minerals (September 2019). Autor: International Mineralogical Association - Commission on new minerals, nomenclature and classification. Data d'espublización: setiembre 2019.
  2. 2,0 2,1 2,2 Afirmao en: MinDat. Llingua de la obra o nome: inglés.
  3. 3,0 3,1 Afirmao en: mineralienatlas.de. Llingua de la obra o nome: inglés.

Enllaces esternosEditar