Cine n'esperantu

Al contrario que nel casu de la lliteratura o la música, el cine ye una actividá pocu desendolcada de la cultura existente n'esperantu, una llingua planiada utilizada pa la comunicación internacional.

Existen cuatro películes llargues de ficción falaes dafechu n'esperantu. La primera foi la producción francesa Angoroj (Angusties) dirixida en 1964 por Atelier Mahé. La segunda foi Incubus, un filme d'horror protagonizáu por William Shatner, que se convirtió en película de cultu en medios cinéfilos. La tercera, Gerda malaperis (Gerda desapaeció), foi distribuida direutamente en DVD dende la páxina de la compañía (Imagu-Filmo). Ta basada nel llibru del mesmu nome escritu por Claude Piron. La cuarta, La Patro , de la mesma productora de Gerda malaperis, basada nuna obra de la lliteratura xaponesa.

Usu del esperantu nel cine editar

Delles películes emplegaron l'esperantu como mediu d'amosar efeutos variaos: internacionalismu, exotismu o misteriu. Ente elles pueden citase:

1940 En The Great Dictator, de Charlie Chaplin, los carteles de los negocios del guetu xudíu apaecen escritos n'esperantu y non n'alemán. Asina, Chaplin quería que nun fora tan evidente la metáfora sobre l'Alemaña nazi.
1976 Na recreación de los ambientes anarquistes de la película catalana La ciutat cremada, dirixida por Antoni Ribas, inclúyese una escena d'una xunta de persones d'esta ideoloxía aprendiendo esperantu en grupu.
1994 En "Street Fighter", les señales de tráficu y los carteles tán n'esperantu, amás d'en dellos diálogos que se puen sentir de fondu y nel himnu de Shadoloo.
1997 L'esperantu apaez na película dramática de ciencia-ficción d'Andrew Niccol Gattaca, na que los anuncios tán n'esperantu o n'inglés.
2004 Na película Blade: Trinity trescurre nuna ciudá bilingüe, onde la segunda llingua d'usu ye l'esperantu.

Referencies editar

Enllaces esternos editar

Wikimedia Commons tien conteníu multimedia tocante a Cine n'esperantu.