Claudia Gray

Claudia Gray (12 de xunu de 1970, Nueva York) ye una escritora d'Estaos Xuníos conocida por escribir la saga Evernight (Evernight, Stargazer, Hourglass, Afterlife Balthazar).

Claudia Gray
Vida
Nacimientu	Nueva York, 12 de xunu de 1970 (54 años)
Nacionalidá	Estaos Xuníos
Residencia	Nueva Orleans
Estudios
Llingües falaes	inglés
Oficiu	escritora, escritora de lliteratura infantil, novelista
Llugares de trabayu	Nueva Orleans
Seudónimos	Claudia Gray
claudiagray.com

Biografía

Nació y vive n'Estaos Xuníos. Escoyó como seudónimo Claudia Gray porque mientres pensaba n'unu, tenía nel so DVD Claudius. Nun primer momentu'l so seudónimu diba ser Claudia Lake, pero afayó qu'ésta yera una presidente d'un club de fans de Lestat el vampiru, polo que decidió ponese como apellíu Gray.

Hasta'l momentu trabayó (ente otros) como disc jockey, abogada, periodista y camarera. Gústa-y viaxar, dir d'escursión, lleer, escuchar música y, sobremanera, encánta-y escribir.

Trayeutoria como escritora

Ye l'autora de la saga Medianueche, de la que yá se publicaron toles sos noveles d'esta saga: Medianueche , Adicción , Despidida, Renacer y Baltazhar.

Amás, participó n'otros llibros como Inmortal (na hestoria Free: A story of Evernight) y Vacations from Hell.

Publicaciones

Feches de publicación orixinales.

Saga Medianueche

1. Medianueche (27 de mayu de 2008)
2. Adicción (24 de marzu de 2009)
3. Despidida (9 de marzu de 2010)
4. Renacer (1 d'abril de 2011)
5. Balthazar (Marzu de 2012)

Otros llibros

• Inmortal (agostu de 2008)
• Vacations from hell (mayu de 2009)
• Agües escures (novela) (26 de xineru de 2012)
• Mil lugar onde atopate (novela) (xunetu de 2015)
• Star Wars: Estrelles Perdíes (publicáu'l 4 de setiembre de 2015)

Enllaces esternos

• Wikimedia Commons acueye conteníu multimedia sobre Claudia Gray.
  • Páxina web oficial
• Claudia Gray en Twitter (cuenta verificada)

• Datos: Q5129181
• Multimedia: Claudia Gray