Claudio Mamertino

Claudio Mamertino (sieglu de IV – sieglu de IV) foi un comandante militar y funcionariu públicu del Imperiu romanu. Tamién ye reconocíu como panexirista (anque puede, nesti casu, ser confundíu con un anterior tocayu so activu a finales del sieglu III).

Claudio Mamertino
senador romanu Cónsul romanu
Vida
Nacimientu	sieglu de IV
Nacionalidá	Antigua Roma
Muerte	sieglu de IV
Estudios
Llingües falaes	llatín
Oficiu	políticu, militar

A finales de 361 formó parte del Tribunal de Calcedonia que condergó a los ministros de Constancio II al advenimiento de Xulianu l'Apóstata. En 362 foi alzáu a la dignidá de cónsul del Imperiu, como compensa ufiertada pol nuevu emperador romanu Xulianu: el 1 de xineru d'esi añu lleó un panexíricu en Constantinopla a manera d'agradecimientu escontra l'emperador. El testu d'esti documentu foi calteníu na coleición de los llamaos Panegyrici Latini, xunto con dos panexíricos más n'honor del emperador Maximiano (el primeru llibráu en 289 y el segundu en 290 o 291). El manuscritu que sobrevivió hasta güei atribúi estos dos últimos a un ciertu Claudio Mamertino, magar indicando qu'hubo otru orador anterior con esti nome (que probablemente foi magister memoriae, esto ye, secretariu priváu de Maximiano, anque l'autoría nun ye segura pos el manuscritu ta alteriáu nesi puntu).

Claudio Mamertino que foi nomáu cónsul en 362, convirtióse más tarde en gobernador d'Italia, África y Iliria, antes de ser espulsáu del so cargu públicu en 368 por malversación.

Enllaces esternos

• Opera Omnia sirvida por Migne Patrologia Llatina

• Datos: Q649960