Clementina Ródenas
Clementina Ródenas Villena (mayu de 1949, Ayora (es) 
) ye una política socialista de la Comunidá Valenciana (España).
Clementina Ródenas | |||||||||
|---|---|---|---|---|---|---|---|---|---|
 | |||||||||
20 xunu 1995 - 2 setiembre 1997 Distritu: Valencia (es)
17 xunetu 1991 - 17 xunetu 1995 ← Francisco Blasco Castany - Manuel Tarancón (es) →
13 xineru 1989 - 5 xunetu 1991 ← Ricard Pérez Casado - Rita Barberá →
7 mayu 1983 - 26 mayu 1995 | |||||||||
| Vida | |||||||||
| Nacimientu |
Ayora (es) , mayu de 1949 (75 años) | ||||||||
| Nacionalidá |
 España | ||||||||
| Familia | |||||||||
| Casada con | Segundo Bru Parra | ||||||||
| Estudios | |||||||||
| Estudios | Universidá de Valencia | ||||||||
| Llingües falaes | castellanu | ||||||||
| Oficiu | política, profesora | ||||||||
| Emplegadores | Universidá de Valencia 1978) | ||||||||
| Miembru de | Partíu Socialista del País Valencianu | ||||||||
| Creencies | |||||||||
| Partíu políticu | Partíu Socialista Obreru Español (dende 1975)[1] | ||||||||
 | |||||||||
Clementina Ródenas estudió'l Bachilleratu nel Institutu de Requena pasando a estudiar Ciencies Económiques y Empresariales na Universidá de Valencia en 1966 y doctorándose n'Economía en 1978, colo que se convirtió na primer muyer en doctorase en dicha universidá. Por oposición pasó a ser profesora titular d'Historia Económica en 1979.
En 1975 ingresó nel Partit Socialista del País Valencià y na Unión Xeneral de Trabayadores siendo miembru de la comisión de cuentes del PSPV-PSOE (frutu de la integración del PSPV nel PSOE en 1978) dende 1979 hasta 1985. Ente los años 1983 y 1989 foi conceyal de Facienda y primer teniente d'alcalde nel conceyu de Valencia, nel equipu municipal presidíu pol so compañeru de partíu Ricard Pérez Casado. Tres la dimisión d'ésti a finales de 1988, foi escoyida alcaldesa, con solo un votu de diferencia sobre'l rexonalista Vicente González Lizondo (Ródenas llogró 14 votos frente a los 13 d'Unión Valenciana y Alianza Popular; el CDS y Esquerra Unida abstuviéronse).[2] Ródenas foi la candidata socialista nes eleiciones municipales de 1991 que ganó con 45.000 votos de diferencia sobre la so rival más direuta, Rita Barberá, del Partíu Popular. Sicasí, nun consiguió la mayoría absoluta (llogró 13 de los 33 conceyales) y gracies a los pactos ente'l Partíu Popular y Unión Valenciana Barberá foi escoyida alcaldesa. Mientres la llexislatura 1991-1995 Ródenas foi cabeza de la oposición municipal nel conceyu de Valencia y presidenta de la Diputación Provincial de Valencia. Foi tamién representante de la Federación Española de Conceyos y Provincies nel Conseyu de les Rexones d'Europa.
Nel VII Congresu del PSPV-PSOE (abril de 1994), Ródenas foi escoyida miembru de la Comisión Executiva.[3] Nes eleiciones autonómiques de 1995 foi'l númberu dos de la candidatura por Valencia, tres Joan Lerma. L'escalabru socialista (pasaron de 45 a 32 diputaos, dando pasu a un gobiernu del Partíu Popular, encabezáu por Eduardo Zaplana fixo que'l grupu parllamentariu socialista quedara na oposición. Ródenas ocupó la portavocía p'asuntos económicos y de Facienda de dichu grupu. En 1997 dimitió por motivos personales.
Clementina Ródenas foi escoyida miembru del Comité Federal del PSOE nel XXXIV Congresu (xunu de 1997) y formó parte de la Comisión Federal d'Estatutos y Reglamentos, xunto con otros militantes como José Montilla o Carmen Romero la cual redactó los reglamentos pa les eleiciones primaries que rixen el PSOE dende entós.[4] Un mes dempués, en xunetu, celebróse un congresu del partíu nel que Joan Lerma foi sustituyíu por Joan Romero. Ródenas nun repitió como miembru de la Comisión Executiva.[3] En xunu de 1998 celebráronse les primaries pa escoyer al candidatu del PSPV-PSOE a la presidencia de la Generalitat Valenciana. El secretariu xeneral, Joan Romero, compitió con Antoni Asunción y Clementina Ródenas, que cuntaba col sofitu del secretariu xeneral del PSOE, Joaquín Almunia. Ganó'l primeru, con Ródenas como la candidata menos votada.[5]
Escribió dellos llibros y artículos sobre economía, como Banca y industrialización, 1840-1880 (1979) y La Banca valenciana: un aproximamientu históricu (1982).
Ta casada col tamién políticu socialista Segundu Bru.
Referencies
editar- ↑ URL de la referencia: https://elpais.com/diario/1989/01/14/espana/600735618_850215.html.
- ↑ La socialista Clementina Ródenas apuerta a l'alcaldía de Valencia gracies a l'astención del CDS, El País, 14 de xineru de 1989.
- ↑ 3,0 3,1 Història del PSPV-PSOE (en valencianu).
- ↑ La direición del PSOE va aprobar güei el calendariu de les sos eleiciones primaries, El Mundo, 19 de xineru de 1998.
- ↑ Valencia, única comunidá con candidatu «borrellista», El Mundo, 28 de xunu de 1998.
Enllaces esternos
editar
| Predecesor: Ricard Pérez Casado |
 Alcaldesa de Valencia 1989-1991 |
Socesor: Rita Barberá |
| Predecesor: Francisco Blasco |
 Presidenta de la Diputación Provincial de Valencia 1991-1995 |
Socesor: Manuel Tarancón Fandos |
Datos: Q8346891
Multimedia: Clementina Ródenas Villena
