Club Patín Areces
El Club Patín Areces, ye un club deportivu de ḥoquei sobre patinos con sede en Grau (Asturies) España. El so equipu senior masculín compite na Primer División B Asturiana.
Club Patín Areces | |
|---|---|
| Situación | |
| Estáu | España |
| Datos | |
| Tipu | club deportivu |
| Fundáu en | 1965 |
|
| |
 | |
Apostó 5 temporaes na máxima categoría (l'antigua División d'Honor, actual OK Lliga), y ye unu de los clubes que más temporaes apostó en Primer División Nacional.
Historia editar
Foi fundáu nel añu 1965 como Club Patín Grau y dende entós tuvo distintes denominaciones: Club Patín OJE Grau, Club Patín Parque Grau, Club Patín Parque Areces, Club Patín Areces, Club Patín Areces la Polesa, Club Patín Areces Elecinco y anguaño vuelve denominase como Club Patín Areces.[1]
Na temporada 1993-94 proclamóse campeón de la Primer División Nacional y xubió per primer vegada a División d'Honor, onde se caltuvo mientres dos años. Na temporada 1995-96 baxa a Primer División Nacional, onde solo apuesta una temporada y vuelve xubir, apostando na máxima categoría (actual OK Lliga) les temporaes 1997-98 y 1998-99. Na temporada 1998-99 baxa de nuevu y vuelva xubir na 1999-2000. Esa mesma campaña baxa definitivamente a Primer División Nacional, onde se caltién hasta'l 2015.
Nos años 1990 el club foi reconocíu con dellos gallardones extradeportivos como'l Premiu Delfos a los valores humanos del deporte, el Moscón d'Oru y el Títulu de Meyor Entidá Deportiva del Principáu d'Asturies.
En 2007 ganó la I Copa de S.A.R. el Príncipe, competición qu'apuesten los cuatro primeros clasificaos de la Primer División Nacional al rematar la primer vuelta de la lliga, venciendo na final al Esfer Uviéu.[2] Al añu siguiente volvió participar en la Copa Príncipe como anfitrión por ser el campeón de la edición anterior, nesti casu siendo esaniciáu en semifinales pol Vigo Stick.
En 2015 la Copa Principe (denominada yá Copa de S.A.R. la Princesa) volvió apostase en Grau. A pesar de nun clasificase por méritos deportivos, concedióse-y al Areces la organización del tornéu por cuenta de la celebración del 50 aniversariu del club, siendo l'únicu equipu que la entamó dos veces hasta la fecha. Nesti casu, l'Areces tamién foi esaniciáu en semifinales, pol Lloret de Mar.
El Club Patín Areces tamién entama dos prestixosos torneos veraniegos, como son el Tornéu Internacional Villa de Grau, de categoría senior, que lleva apostándose dende 1983; y el Tornéu Internacional de Ḥoquei Base, dende 1987. Nellos participaron en toles categoríes los meyores equipos del panorama nacional ya internacional.
Los mayores ésitos de la cantera del club son numberoses participaciones en fases finales de los Campeonatos d'España nes distintes categoríes.
Referencies editar
- ↑ CURTIA HESTORIA GRÁFICA DEL C.P. ARECES ELECINCO
- ↑ La Voz de Asturias 05-02-2007 (enllaz rotu disponible n'Internet Archive; ver l'historial y la última versión).
Enllaces esternos editar
Datos: Q5774516
