Colexu Corazón de María de Xixón

El Colexu del Corazón de María de Xixón, conocíu popularmente como CODEMA, ye un colexu católicu dirixíu polos Congregación de los Misioneros Fíos del Inmaculáu Corazón de María, fundaos por Antoni María Claret, patrón del centru. Imparte enseñanza nos ciclos d'educación infantil, primaria, secundaria y bachilleratu, siendo'l primeru y l'últimu de calter priváu, y los demás en réxime de conciertu.

Colexu Corazón de María de Xixón
Situación
País	España
Autonomía	Principáu d'Asturies
Provincia	Provincia d'Asturies
Conceyu	Xixón
Direición	Calle General Suárez Valdés 4, 33204 y Carretera del Obispo, 125, 33209 (33204 y 33209)
Coordenaes	43°32′08″N 5°38′54″W
Datos
Tipu	escuela
Fundación	1941
Alumnos	1574
Web oficial

Historia

Nel so primer cursu académicu, 1941/1942, nun algamó los 175 alumnos, pero llueu aumentó'l númberu de matrícules y nel cursu 1955/1956 algamáronse los 500 alumnos. En 1959 amplióse'l colexu, inaugurándose la nueva instalación en 1966. En 1991, añu del cincuentenariu del colexu, matriculáronse 1950 alumnos. Nel cursu 1975-1976 treslladóse'l parvulariu a la Casa Palaciu de Contrueces.

Antiguos alumnos

• Francisco Álvarez Cascos, ex-presidente d'Asturies y ex-vicepresidente del gobiernu d'España.
• Antonio Trevín, ex-presidente d'Asturies.
• Vicente García Oliva, escritor y miembru de l'Academia de la Llingua Asturiana.
• Chechu Villaldea, ex-xugador de balonmano y encargáu de la seición de balonmano nel RGCC.
• Carlos Ruesga, xugador de balonmano.
• Chechu Rubiera, Ciclista.
• Gerardo Carrera, futbolista.
• Nacho Cases, futbolista.

Himnu del Colexu

Llegó'l Señor cruciando'l to camín / y, al vete, díxote "ven a min", / fízote testigu del so Reinu, / como fiel mensaxeru de so. / Arreblagabes mares y cordales / dando anuncia del mensaxe del amor. / Aportasti a les islles más llonxanes, / dando anuncia a tol mundu del perdón. / / Estribilu / Claret, / voz pelegrina que va semando / la gran anuncia: / la salvación. / Nun da más races nin pueblos; / namás un padre, / y ye'l Señor. / Claret, / cola to vida Dios mos señala / la nuesa xera, / la nuesa misión. / Percorremos les tos güelgues, / glayando al mundu: / Dios ye amor. / / La lluz del Evanxeliu empobinóte, / la to vida, Cristu foi quien la llenó, / ficisti-y llegar hasta la xente, / como'l fíu, en María, se mos dio. / Nosotros vamos a siguite siempres, / como familia nueva del Señor. / Queremos ser tamién la lluz del mundu, / formientu de vida y salvación.

Enllaces esternos

• Páxina web oficial del Colexu

• Datos: Q4512696
• Multimedia: Colegio del Corazón de Maria (CODEMA), Gijón