Comunidá Económica y Monetaria d'África Central
La Comunidá Económica y Monetaria d'África Central (CEMAC) (en francés Communauté Économique & Monétaire de l'Afrique Centrale) ye una organización internacional creada pa tomar les riendes de la Unión Aduanera y Económica d'África Central (UADAC, del francés Union Douanière et Économique de l'Afrique Centrale). El tratáu que instituye la CEMAC foi robláu'l 16 de marzu de 1994 en Yamena (Chad) y entró a valir en xunu de 1999.
| Comunidá Económica y Monetaria d'África Central | |
|---|---|
| organismu internacional | |
 | |
| Llocalización | |
| Sede | Bangui |
| Historia | |
| Fundación | 1999 |
| Web oficial | |
 | |
La CEMAC, que reagrupa la Unión Monetaria d'África Central (UMAC) y la Unión Económica d'África Central (UEAC), tien por misión:
- establecer una unión cada vez más fuerte ente los pueblos de los Estaos miembros pa reafitar la so solidaridá xeográfica y humana;
- promover les iniciatives nacionales pa la eliminación de les torgues al comerciu intracomunitario, la coordinación de los programes de desenvolvimientu, l'harmonización de los proyeutos industriales;
- el desenvolvimientu de la solidaridá de los países miembros pa favorecer los países y rexones más probes;
- crear una auténtica cooperación africana.
El 24 de xineru de 2003 la Xunión Europea, concluyó un alcuerdu financieru cola CEEAC y la CEMAC, condicionada a que la CEMAC y la CEEAC converxeren nuna sola organización, y asina, la CEEAC tomara la so parte de responsabilidá na defensa de la paz y la seguridá de la rexón al traviés del pactu COPAX de seguridá.
Anque la CEMAC (Comunidá Económica de los Estaos d'África Central) nun ye unu de les pilastres de la Comunidá Económica Africana los sos miembros sí tán acomuñaos al traviés de la CEEA.
Ver tamién
editarReferencies
editarEnllaces esternos
editar
Datos: Q1940250
Multimedia: Economic and Monetary Community of Central Africa
