Concepció Tarruella
Concepció Tarruella i Tomàs (10 d'avientu de 1949, Benavent de Segrià – 27 de marzu de 2024) foi una política española, diputada nel Parllamentu de Cataluña na IV y VI Llexislatures y nel Congresu de los Diputaos na IX y X Llexislatures.
Concepció Tarruella | |||||||||||||
|---|---|---|---|---|---|---|---|---|---|---|---|---|---|
 | |||||||||||||
1r avientu 2011 - 27 ochobre 2015 Distritu: Lleida Eleiciones: eleiciones xenerales d'España de 2011
18 marzu 2008 - 27 setiembre 2011 Distritu: Lleida Eleiciones: eleiciones xenerales d'España de 2008
18 marzu 2008 - 27 ochobre 2015 Distritu: Lleida
22 ochobre 1999 - 23 setiembre 2003 Distritu: Lleida
30 marzu 1992 - 16 xunu 1994 - Joan Busquets i Grau → Distritu: Lleida
| |||||||||||||
| Vida | |||||||||||||
| Nacimientu | Benavent de Segrià, 10 d'avientu de 1949 | ||||||||||||
| Nacionalidá |
 España | ||||||||||||
| Muerte | 27 de marzu de 2024[1] (74 años) | ||||||||||||
| Estudios | |||||||||||||
| Llingües falaes |
catalán castellanu | ||||||||||||
| Oficiu | política | ||||||||||||
| Llugares de trabayu | Madrid y Barcelona | ||||||||||||
| Creencies | |||||||||||||
| Partíu políticu |
Units per Avançar (es)  (dende 2017)Unión Democrática de Cataluña (hasta 2017) | ||||||||||||
 | |||||||||||||
.svg){kind=small}
Biografía
editarDiplomada n'enfermería pola Escuela Universitaria Santa María de Lleida y en sanidá pol Institutu Carlos III de Madrid, trabayó como coordinadora de los dispensarios municipales de Magraners, La Bordeta, y Pardiñas. De 1984 a 1988 foi presidenta del Colexu Profesional de Diplomaos n'Enfermería de Lleida y vicetesorera del Conseyu Catalán de Colexos Profesionales d'Enfermería. Ente 1989 y 1992 foi xefe d'área de Servicios Sociales de la Diputación de Lleida.
Militante d'Unión Democrática de Cataluña, foi escoyida diputada nes eleiciones nel Parllamentu de Cataluña de 1992, y tuvo de secretaria de la Comisión d'Estudiu sobre la Situación en Cataluña de la Inmigración de Trabayadores Estranxeros, vicepresidenta de la Comisión d'Estudiu de les Dificultaes del Usu del Llinguaxe de Signos, vicepresidenta de la Comisión d'Estudiu sobre'l Sida.[2] En 1994 arrenunció al so escañu cuando foi nomada direutora xeneral d'Atención a la Infancia, cargu qu'ocupó hasta 1997. De 1997 a 1999 foi delegada territorial del Departamentu de Xusticia en Lleida y miembru del Conseyu del Audiovisual de Cataluña.
Foi escoyida nuevamente diputada nes eleiciones al Parllamentu de Cataluña de 1999, y tuvo como vicepresidenta de la Comisión de Control Parllamentariu de l'Actuación de la Corporación Catalana de Radio y Televisión y de les Empreses Filiales.[3] Dempués foi rexidora del Conceyu de Lleida (2004-2007) y diputada nes eleiciones xenerales españoles de 2008 y 2011. Dende 2011 foi vocal suplente de la Diputación Permanente y voceru titular de la Xunta de Voceros del Congresu de los Diputaos.[4]
Referencies
editar- ↑ URL de la referencia: https://www.segre.com/es/lleida/240327/mor-conxita-tarruella-exdiputada-ex-regidora-lleida-i-impulsora-fundacio-esclerosi-multiple_392190.html.
- ↑ Parlament.cat (ed.): «Diputats del Parlament de Catalunya na IV Llexislatura» páx. 182. Archiváu dende l'orixinal, el 24 de setiembre de 2015. Consultáu'l 27 de marzu de 2016.
- ↑ «Diputats del Parlament de Catalunya na VI Llexislatura» páxs. 286-287. Archiváu dende l'orixinal, el 24 de setiembre de 2015.
- ↑ Congresu.es (ed.): «Ficha del Congresu de los Diputaos, Llexislatura IX». Consultáu'l 27 de marzu de 2016.
Enllaces esternos
editar
Wikimedia Commons acueye conteníu multimedia sobre Concepció Tarruella.
Datos: Q11915157- Multimedia: Conxita Tarruella i Tomàs
