Idioma catalán
El catalán (denominación oficial en Cataluña, nes Islles Baleares, n'Andorra y na ciudá de L'Alguer) o valencianu (denominación oficial nel País Valencianu) ye una llingua románica falada por más d'once millones de persones en Cataluña, el País Valencianu (sacantes dalgunes comarques del interior), les Islles Baleares, Andorra, la Franxa de Poniente (Aragón), la ciudá de L'Alguer (na islla de Cerdeña), la Catalunya del Nord y nel Carxe, un pequeñu territoriu de Murcia pobláu por emmigrantes valencianos.[1] El so dominiu llingüísticu, con una superficie de 68.730 km² y 13.529.127 d'habitants (2009), inclúi 1.687 términos municipales. Como les otres llingües romániques, el catalán remanez del llatín vulgar que falaben los romanos que s'establecieron n'Hispania na Edá Antigua.
| català y valencià | |||||||||||
|---|---|---|---|---|---|---|---|---|---|---|---|
| Faláu en | |||||||||||
| Faláu en | España, Francia, Andorra y Italia | ||||||||||
| Númberu de falantes | |||||||||||
| |||||||||||
| Datos | |||||||||||
| Familia | Llingües occitano-romániques | ||||||||||
| Sistema d'escritura | alfabetu llatín | ||||||||||
| Reguláu por | Institutu d'Estudios Catalanes y Academia Valenciana de la Llingua | ||||||||||
| Códigos | |||||||||||
| ISO 639-1 | ca | ||||||||||
| ISO 639-2 | cat | ||||||||||
| ISO 639-3 | cat | ||||||||||
 | |||||||||||
 | |||||||||||
La normativa del catalá establezla l'Institutu d'Estudios Catalanes, que tomen como base la ortografía, la gramática y el diccionariu fechos por Pompeu Fabra i Poch, y poles variantes específiques del valencianu, pola Academia Valenciana de la Llingua, basaes nes Normes de Castelló, ye dicir, la ortografía de Pompeu Fabra pero más adaptada a la pronunciación del catalán occidental y a los rasgos que carautericen les variedaes valencianes. El catalán tien cinco grandes dialeutos (valencianu, noroccidental, central, balear y rossellonés) que xunto col alguerés, dixébrense n'hasta en ventiuna variedaes y s'agrupen en dos grandes bloques: el catalán occidental y el catalán oriental. Les propuestes normatives permiten amenorgar les diferencies ente aquestos dialeutos nel catalán estándar dende'l puntu de vista gramatical, fonéticu y de léxicu. A lo llargo de los últimos siglos, la mayor parte de los dialeutos del catalán recibieron una fuerte influyencia del castellanu nel estáu español y n'Andorra, del francés en Catalunya del Nord y tamién n'Andorra, y del italianu y del sardu nel Alguer, que-y dexó señes en forma de vocabulariu y espresiones nueves.
Clasificación llingüística
editar- Indoeuropéu
- Itálicu
- Románicu
- Románicu occidental
- Occitano-Romanicu
- Catalán
- Occitano-Romanicu
- Románicu occidental
- Románicu
- Itálicu
Alfabetu
editarPronunciación
editarEquí amuésase la pronunciación de lletres o diágrafos del catalán.
| Lletra o diágrafu | Fonemes |
|---|---|
| A, a | en posición tónica, /a/ en posición átona, /ə/ en catalán oriental y /a/ en catalán occidental |
| B, b | /b/ en final pallabra, /p/ |
| C, c | énte «a, o, u» o consonante, /k/ énte «e, i», /s/ |
| CH, ch | d'usu arcaicu y n'apellíos, /k/ |
| Ç, ç | /s/ |
| D, d | /d/ en final pallabra, /t/ |
| E, e | en posición tónica, /e/ o /ɛ/ en posición átona, /ə/ en catalán oriental y /e/ en catalán occidental |
| F, f | /f/ |
| G, g | énte «a, o, u» o consonante, /g/ énte «e, i», /ʒ/ en final pallabra, /k/ |
| H, h | ye muda |
| I, i | /i/ |
| IG, ig | final de pallabra, /t͡ʃ/ |
| IX, ix | intervocálicu y final de pallabra, /ʃ/ |
| J, j | /ʒ/ |
| L, l | /l/ (normalmente vlarizada /ɫ/) |
| L·L, l·l | intervocálicu, normalmente pronunciada como simple, /l/ (/ɫ/), anque la so pronunciación ye xeminada /ll/ (/ɫɫ/) |
| LL, ll | /ʎ/ como'l del asturianu |
| M, m | /m/ |
| N, n | /n/ |
| NY, ny | /ɲ/ igual que la eñe |
| O, o | en posición tónica, /o/ o /ɔ/ en posición átona, /u/ en catalán oriental y /o/ en catalán occidental |
| P, p | /p/ |
| Q, q | siempre siguida d'una «u»: énte «e, i», /k/; énte «a, o», /kw/ |
| R, r | /r/, /ɾ/; al fin de la pallabra suel ser muda |
| RR, rr | intervocálicu, /r/ |
| S, s | /s/, /z/ |
| SS, ss | intervocálicu, /s/ |
| U, u | /u/ |
| T, t | /t/ |
| TG, tg | siempre siguida de «e, i»: /dʒ/ |
| TJ, tj | /dʒ/ |
| TLL, tll | intervocálicu, normalmente pronunciada como simple, /ʎ/, anque la so pronunciación ye xeminada /ʎʎ/ |
| TX, tx | /t͡ʃ/ igual que'l diágrafu «ch» |
| Tz, tz | /dz/ |
| V, v | /b/, en dalgunos dialeutos /v/ |
| X, x | /ks/, /ʃ/ |
| Y, y | nun s'usa (sacantes nel dígrafu «ny») más que n'estranxerismos y apellíos, como /i/ |
| Z, z | /z/ |
Referencies
editarPortales
editar
Datos: Q7026
Multimedia: Catalan language
Diccionariu: Wikcionario:Referencia/CA
Llibros: Catalán
Cites famoses: Idioma catalán
