Confucio
Confucio[5] (孔夫子, pinyin: Kǒng Fūzǐ, significa lliteralmente: "Maestru Kong") (tradicionalmente 551 e.C. - 479 e.C.) foi un filósofu chinu, creador del confucianismu y una de les figures más influyentes na historia de China. Les enseñances de Confucio lleguen a los nuesos díes gracies a les Analectes que contienen dalgunes de les discusiones que caltuvo colos sos discípulos.
Biografía
editarÑació nel pueblu de Qufu nel antiguu país de Lu, actual provincia de Shandong, nel noble clan de los Kong. So pá morrió trés años depués que Confucio ñaciere, y dexó a la familia na probitú; Confucio, ensin embargu, recibió una esmerada educación.
Aínda de bien mozu, trabayó pa la alministración del estáu de Lu y llegó algamar el rangu de Ministru de Xusticia. Dimitió del cargu años depués, yá que nun taba d'alcuerdu cola política prauticada pol príncipe.
A los 50 años encomencipíó les sos enseñances. Solía viaxar d'un llau pa otru y instruyir a los sos cuntaos discípulos a los que reuniere en tornu a él. Con fama d'home de saber y caráuter, con gran veneración pa coles idees y vezos tradicionales, ceo s'espardieron pel principáu de Lu, y llueu a tola China.
Nun entamu les sos idees nun fueren bien aceutaes hasta que los gobernantes descubrieren que les enseñances de Confucio aseguraben qu'ellos yeren los únicos que teníen que gobernar al pueblu. De magar la dinastía Han, diversos emperadores inspiráronse na obra de Confucio pa organizar la sociedá china. Nos sieglos postreros les sos enseñances exercieron una poderosa influencia na filosofía china y na historia de China.
Filosofía
editarLa esencia de les sos enseñances son la bona conducta na vida y el bon gobiernu del estáu, al traviés de la práutica de les virtúes principales (caridá, xusticia, amor filial y respetu pola xerarquía), el cuidáu de la tradición, l'estudiu y la meditación. La meyora de cada individuu conducirá al recobramientu del orde social, al traviés del exemplu y les aiciones virtuoses.
Pa Confucio, en cualesquier sociedá tien d'existir bones y harmóniques rellaciones ente: gobernante/súditu; home/muyer; pá/fíu; maestru/discípulo; y ente collacios. Les obligaciones nestes rellaciones tán siempre equilibraes y si daquien tien d'obedecer al so superior tamién pue alertalu nos equívocos d'esti. Una sociedá próspera algamaráse namás si les rellaciones se caltienen en dafecha harmonía.
Confucio creyía tamién qu'una parte mui importante p'algamar l'harmonía yeren la música y los rituales. Según Confucio, dambes coses sirven pa la comunicación del home col so contestu y p'alimentar y equilibrar les rellaciones sociales.
Referencies
editar- ↑ Afirmao en: Encyclopædia Britannica. Identificador Encyclopædia Britannica Online: biography/Confucius. Data de consulta: 18 marzu 2019. Autor: Andrew Bell. Editorial: Encyclopædia Britannica. Llingua de la obra o nome: inglés británicu.
- ↑ Afirmao en: Encyclopædia Britannica. Identificador Encyclopædia Britannica Online: biography/Confucius. Data de consulta: 31 xunetu 2018. Autor: Andrew Bell. Editorial: Encyclopædia Britannica. Llingua de la obra o nome: inglés británicu.
- ↑ «Stanford Encyclopedia of Philosophy» (inglés). Universidá Stanford. Consultáu'l 2 xineru 2017.
- ↑ Identificador CONOR.SI: 28777059. Afirmao en: CONOR.SI.
- ↑ Esti términu apaez nel Diccionariu de l'Academia de la Llingua Asturiana. Ver: confucianismu
Datos: Q4604
Multimedia: Confucius
Cites famoses: Confucio
Testos: Autor:Confucio
