Enantes de Cristu

(Redirixío dende EdC)

El términu enantes de Cristu emplégase pa datar los años y sieglos anteriores a la era cristiana. Esti sistema de calendariu básase nel añu convencionalmente reconocíu como'l del nacimientu de Xesucristu. Los años anteriores a esi momentu desígnense siguíos pola espresión enantes de Cristu, y los posteriores, si ye necesaria l'aclaración pol contestu nel qu'apaez la fecha, como dempués de Cristu. Nun hai añu 0 nesti esquema, polo que dempués del añu 1 enantes de Cristu vien el añu 1 dempués de Cristu.

Dionisiu l'Exiguu inventó la era cristiana pa determinar la fecha de la Pascua.

Este sistema estableciolu Dionisiu l'Exiguu, por encargu del papa Hormisdes, en 525, pero nun entamó a ser d'usu xeneral hasta dempués del añu 800. El calendariu xulianu y el calendariu gregorianu siguen esta sistemática de contéu d'años. El gregorianu ye'l más utilizáu anguaño nel mundu. Demientres les últimes décades tien usaoso como l'estándar global nun oficial pa la fecha, que convién que seya única pa tol mundu pa cuestiones como'l tresporte, la integración comercial, les finances... En delles partes del mundu convive colos calendarios propios d'eses cultures (chinu, árabe...).

Ortografía editar

Magar que ye vezu, dende la introducción de los soportes informáticos, d'utilizar esta abreviatura ensin puntos que separten los sos componentes (edC), la norma indica que les abreviatures han llevar puntos separando los sos elementos, y asina la forma correuta d'escribilu abreviáu sería e.d.C.[1]

Referencies editar